潮jam...?!@apm


哈哈......我又係遲到o左少少,好彩o岩o岩好趕得切o者;p 重可以企得好前添! 正! 哈哈哈.


<--一開始就先o係超大螢幕播<<蓬萊>>mv

(<--睇完潮jam先發覺呢部白色數碼鋼琴全程淨係要o黎做佈景板的...哈哈哈!!)




阿邦自彈自唱了《爸爸今天不歸家》→《愛一個上一課》→彈奏《張開眼睛》及《六月》以示範數碼綱琴的功能 (彈的期間, 阿邦無端端笑o左幾笑, 令人莫名其妙, 哈哈哈哈~)
→自彈自唱《熱帶魚》, 阿邦唱到 *......逃避現實做啞巴* 呢句o既時候, 我個腦"叮" o左一聲, 跟住笑o左一笑......
成個演唱部份得9個字到咋, 真係唔多夠候呀! >.<

之後就見到d工作人員搬d簽名用具同海報出o黎, 我就掙扎究竟好唔好再拎簽名同合照呢......結果, 貪念制服了我-- 既然一場o黎到, 簽名影相又免費o既, 幾大都做o左先啦真係, 哈哈哈哈哈哈哈哈哈哈哈哈哈哈哈...!!!!! 我即刻o拿o拿聲移動我笨拙的身軀去排隊, 梗係啦, 佢重話明得50個名額咋! ;ppp

阿邦做o左幾個訪問就開始同我o地簽名喇.
睇o下, 幾多人排緊隊呀, 哈哈! 群情(看似)洶湧! 阿邦o既fans原來重包括太太級的! 阿邦真係犀利, 迷倒一眾女士呀~~ 哈哈!
今次比上次大埔簽唱會多人dd, 不過, 阿伯同細路都湊熱鬧走去排隊就......哈哈...有點兒那個!
就o黎到我o既時候, 我又係好緊張呀!!! >o< (而家諗返起都重咁覺得呀, 哈哈!)

話咁快就到我喇!! 超緊張超緊張!! 阿邦好和藹咁同我微笑*v* 我個心卜卜跳喇又~~~*o* 阿邦真係好型好靚仔丫!!!!! 阿邦幫我簽完名, 又再答應同我合照呀!! 丫~~~~~我癲咁滯,哈哈! (不過無上次細細man同我影o個張咁好u.u) 今次我進步o左呀, 走o個時同阿邦講o左"唔該阿邦"呀, 哈哈~ 超開心!!! >333<

係咪好奇怪邊個同我同阿邦影相呢? 就係排o係我後面o既中年男人, 排隊時我請佢陣間幫我影相, 咁我又幫返佢影. 影完之後......

佢覺得阿邦個樣都幾得意, 問我: 佢紅唔紅架? (我心諗: 我以為你係邦fan o黎添, 排隊時見你猛咁影阿邦...)
我就照直講: 其實都麻麻o地o架咋......
跟住我就向佢道謝, 然後say bye bye啦...... 點知佢重繼續問: 咁你呢?
我(O嘴中): o下?!?!
佢: 我指你有唔有錢o架?
我(超愕然): 唔有錢......
佢: 你做o野未o架? (我又心諗: 我點睇都唔多似做緊o野嘛...)
我(再愕然): 未......
佢再問: 不如我請你去麥當勞飲o野丫
我(激愕然): o下...唔使喇......!
佢: 要o既要o既
我無理佢, 之後即刻閃人!!
哇哇哇!!!!!!!!!! 嚇死我!!!!! 心裡不禁嘆喟: 發生咩事呀大佬......@@" 好彩佢無再跟o黎...... 類似o既人/事o既負面o野o係新聞真係見得太多, 或者有可能佢真係想多謝我幫佢影相, 但係真係恕我未能接受你o既好意......

稍為定一定返個人, 我就周圍行o下apm.
期間, 我見到柯南o既小說, 同加菲造型o既太陽能招財貓, 哈哈! 開心! 頭先見完阿邦, 而家重有呢兩位愛人o係我身邊伴著我 ~^^~ 不過, 一向知慳識儉(;p) o既我, 當然知道這個並非帶他們回家的時候, 適當時機重未到, 哇哈哈~ 況且, 本大姐有一個更重要的任務在身-- 揀生日禮物畀小芬!!!

行o左一陣, 見d o野都唔係咁o岩心水, 就搭車返去香港仔食完o野再行.
搭地鐵時, 見到對面座位的3個男人不約而同的皺著眉頭, 全神貫注的盯著他們各自手執的刊物-- <<信報>>同"公仔書". 哈哈, 呢兩樣嗜好, 截然不同.
之後, 突然發生o左d (淨係) 我覺得好搞笑o既o野, 如果我當時係o係屋企o既話, 我一定kakaka咁大笑o左出o黎!! 但係o係公眾場合, 始終要收斂o下=v=, 而且, 隔籬左右又無人笑......
忍笑, 都真係幾辛苦o下! 哈哈哈哈!

返到香港仔, 南記o既鴛鴦河不消一會便成為本大姐o既肚中物, 哇哈哈;p 我重第一次清晒杯檸檬茶-- 食埋入面d檸檬! 哈哈~

食完就繼續起行, 不過, 香港仔d舖頭話咁快就收晒=3= 但係我都行到身水身汗, 無可奈何下唯有買住個生日熊匙扣先啦, 遲o下再睇過!

Posted in: on 2007年3月25日星期日 at : 上午2:30 0 逸響  

我不會講話

5-11/3 這一週, 真可謂"演講一週".

自從本大姐"幸運地"被抽中在中化堂上演講<<信報>>短文一則後, 嗚呼哀哉, 就被老師"邀請"於每日午膳後作短講特訓. 如今已特訓了三個星期了 (但算起來,真正練習的時間只有一星期,哈哈).

其中一次練習, 老師說我對那題目的想法十分奇怪, 那開段相當"有趣", 她從來沒有聽過學生會這樣說的...... 哈哈==" (不過我挺高興的,證明了我有時的想法頗特別;p) 她還說我這樣的想法違背了人文精神, 某程度來說是一種危機. (但處於如此驚惶的狀態下,或多或少都會影響到我所想到的演講內容吧......? =p)

說回正題, 哈哈! 面對不同的個人短講題目, 我在那10分鐘的準備時間, 起初必定會默念"死喇死喇......"一番, 然後強擠腦汁, 才可艱辛非常地榨出零散的一字半句, 哈哈. 我的腦筋轉得太慢了, 又不懂應變...... 即使恰巧碰到比較容易發揮的題目, 靈感如泉湧, 但要去將他們組織好, 然後表達出來, 對於我來說, 絕非易事. 10分鐘, 真的不太足夠讓我去好好完成以上任務......

星期六, 老師安排了我們回校作小組討論. 結果? 不用多說吧, 我的個人短講已這樣不濟了, 更何況討論...... 如果扣分準則有"沉默寡言"一項, 我深信我不是滿分, 就是接近滿分, 哈哈.
老師和同學都替我擔心, 強調我這樣會不及格的. 某同學提議我不知說甚麼時就換個方式去將別人的話再說一次. 但, 這樣對討論有貢獻嗎...... 我不是想不到說些甚麼, 只是覺得我所想到的沒有甚麼用處, 或與討論中的沒有甚麼關係, 因而不敢表達. 或許就是這個原因令我在群眾中顯得沉默的.

星期天 (11/3), 本大姐(被迫)參加了一個演講比賽. 哎, 我最害怕在眾人面前講話的了...... 唯有當作累積經驗吧, 聽聽別人的見解也不錯!
我的參賽題目為"數碼學習　終生學習". 這次的準備時間較充足, 內容組織方面好了一點, 當然, 絕不能埋沒網上參考資料(基本上我也是在網上狂抄的了,呵呵;p), 以及老師的功勞的!
賽前緊張得很呢, 不停的進出洗手間, 哈哈...... 很快就輪到我了. 十數對眼睛都聚焦在我身上, 雖然我木無表情, 但發抖的雙手出賣了我...... 怕死我了怕死我了! >o< 於是, 我便匆匆的把講稿的照讀出來...... *嗓子太壞 但全情為你 落力發揮過*! 這4分鐘, 比個人短講那3分鐘, 來得更加充實. 有講稿真是好得多啊! 哈哈!
兩位評判給我的評語如下:
"言之有物　準備充足　但較刻板　亦欠表情"
"有內容, 但演繹較刻板"
哈哈, 我已很滿意了! 還挺開心的! ^(++++)^ 不過,言之有物的是網上的人哦;p 至於刻板, 對, 本大姐本身就是一個這樣的人呀! 哈~

之後, 本星期的某天, 放學時碰到某同學, 他就和我談起來. 他問我班上一些同學的事情, 我表示不知道, 他就說他知道的可能比我還多. 他又因此覺得我不吃人間煙火, 是個隱士...... = ="(我有那麼清高就好了,哈哈;pp) 他又與我談回小組討論當天的事, 說我這樣下去真的不行, 莫說考試, 將來到社會工作亦然. 他認為人際關係相當重要, 要成功就要靠它.
哎, 謝謝你的忠告了...... 我也很清楚明白這對我將來的影響, 自己亦當然感到很擔心, 但自問真的很難做到善於交際, 除非改變性格 (我只善於悶壞人,哈哈哈!). 刻意改變, 而得到成功? 不好意思, 我寧可不要! ;p 況且, 平凡是福.

對, 本大姐就是這樣的一個人. 我有時說話的語氣, 可能會帶點不屑, 又好像很無禮...... 這樣可能會傷害了別人, 所以我會感到頗難受 (因此, 與我談話時如感到不適, 請告知!). 與其這樣子, 我倒不如只說一兩句, 甚或不說好了......
又, 我說出去的話, 有時好像是沒有經過思考的; 相反, 思索了良久的, 就偏偏大多不會說出, 卡在喉頭......
說與不說, 講與不講, 天淵之別. 有時真的會想自己真的不會講話...... 不行不行, 我得快點練好組織力及表達力這些靈丹妙藥!

(呀, 忽然有個疑問: 如果你不認識我, 單看我的文字, 會猜到我是這麼的一個人嗎? 哈哈......)

(哎呀~ 這篇東東又再亂得很! ......體現到我如何不會講話了吧! 哈哈哈)

Posted in: , on 2007年3月18日星期日 at : 上午3:38 2 逸響  

好? 壞?

試找出句子中的錯處:"Wai Sum takes his studies conscientiously and works consistently."
這是成績表上的評語,真令人無言! = = 哈哈哈......

但這家長日令我對Miss Kun有點改觀. 可能是要面對家長的關係吧,她收起了一貫板著的臉,變得笑容最可親 (服務最殷勤~... 甚麼廣告歌來的...=v=?? 哈哈哈哈哈哈哈哈!!). 又是常聽到的評語,她說我很靜. 她還竟然覺得我的中英文成績不錯=口=,不是吧!? 我認為絕對尚有很大的改進空間!! 英文又差得很呢...... 好好管理時間亦是我另一須要學會的.
"你o地兩個真係成個餅印咁喎." 她對小芬和我說,哈哈.

她的英文筆記及所授之技巧實是相當實用,如課堂上多談點輕鬆的話題相信會令課堂氣氛更好(?).

之後,深知華富沒甚麼選擇,我們又到那薯條快餐店吃午飯. 哎,這陣子已吃得很不健康了,心想又再對不起我的肚子.
我問小芬吃甚麼,"我諗住叫個沙律一齊兩份食." 她說. 呀,對,差點忘了這快餐店有沙律吃的! 它那薯條漢堡包的形象深入民心,哈哈,我聯想到的,真的就只有煎炸油膩高脂高膽固醇的不健康食品.

環顧四周,點沙律吃的人應該只有我倆. 我還瞥見斜對面的一位媽媽正為薯條灑上鹽,而薯條上已有點點黑色,相信事前還灑上了胡椒.
哇...... 我認為薯條本身的調味已相當足夠了,額外的調味料絕對無必要! (茄汁例外,哈哈哈哈哈哈!! 不要扁我 ;p) 她那看來5歲左右的兒子小時候就吃得這樣濃味,多吃壞肚皮不在話下,將來稍為清淡一點的東西對味覺可能起不了刺激,就只有越吃越濃...... 她又餵兒子吃冰淇淋,未免太寵他了......
我想,飲食健康最好自小培養,家長,學校和小孩本身都應該有責任的,是嗎?

好像由這幾年開始,我對飲食健康的注重多了. 吃得不健康時會很內疚. (內疚一回事,有沒有去吃多點健康的食物去補救是另一回事,哈哈 ;p) 我不反對吃零食,但緊記少吃多滋味. 正餐盡可能以健康為上哦,哈哈. 可能是這個原因,我變得很愛吃蔬果. (至於我是否真的愛它們的味道嘛...... 可不太清楚呢,哈哈) 我又漸漸發覺,原來自己很喜歡吃的. (食量驚人嗎? 這看來我比身邊的女孩多一點點,哈哈)

"將食物食完就好似送o左份禮物畀農夫一樣." 曾聽過一位小學生這樣說,給了我很深的印象. 年紀小小,就這麼懂事 (我還渾渾噩噩的呢^^"),比他年長的我,就更應當尊重食物,注重健康.

晚上,我們到香港仔和公公婆婆一起吃晚飯,然後到他們家裡去看看那新裝設好的電腦.
電腦把我和公公拉近了,我由衷的感到快樂; 可是,心裡總是不太想他學會得太多,不希望他因此而忽略了婆婆. 學會電腦,是好是壞呢?

Posted in: , on 2007年3月4日星期日 at : 上午1:24 0 逸響  

訂閱： 文章 (Atom)