半日記．半逸記

小腳色的胡思亂想

cwscws14@yahoo.com.hk (易山今) — Fri, 11 Dec 2009 08:08:00 +0000

哈哈, 測驗考試期間, 最愛擠時間來作些無聊事 :p ~ (平衡一下心理嘛 =v=)
找來了一篇草草的隨筆, 加送一個壓軸小遊戲-- 填充句子.

哎呀, 要快點製造機會, 讓鉛筆與記事簿久別重逢一下才行!

tagged by mandel (again -v-)

cwscws14@yahoo.com.hk (易山今) — Wed, 02 Dec 2009 14:59:00 +0000

Rules:
Once you've been tagged, you are supposed to write a note answering the questions.
At the end, add 1 more question, answer it and tag 20 of your friends.

1. 鍾意人地點叫自己?
❤. 岑岑, 心

2. 宜家讀緊咩學校?
❤. HKCC

3. 你有咩花名?
❤. 哈哈, -v- 抽d鮮為人知o既o黎講先: 蕙蕙, 胃酸, 菜心

4. 2008 年既平安夜同邊個一齊度過?
❤. 應該o係Sogo返緊工! 同d餅, 同事, 客人, 自己過囉 XP ~ 哈哈哈!

5. 承上題, 你同佢 / 佢地係咩關係?
❤. 臨時o既關係, 哈哈哈 XD

6. 近來最喜愛的電影係?
❤. 唔~~ 沖天救兵 (Up) ! (其實都好耐喇 =v=") 好鍾意佢開頭o個段簡述伯伯前半生o既默片, 睇到佢同婆婆平凡但幸福o既生活, 覺得好感動!

7. 承上題, 同邊個睇?
❤. 阿金金~~

8. 要成為你既好朋友, 要有咩條件 / 特質?
❤. 投緣?

9. 請用 5 個形容詞形容自己最好既朋友(們)
❤. 搞笑! XD
❤. 心地好!
❤. 吸引! -v-
❤. 有內涵!
❤. 和藹可親!

10. 拍過幾多次拖?
❤. 大概不算一次

11. 宜家有冇拍拖?
❤. 無呀, 而家忽然又唔係好急喎, 哈哈~

12. 對理想情人有咩要求?
❤. 相愛
❤. 可以互相信任、享受彼此之間相處的時間、互相扶持、互補長短的
❤. 有默契

13. 最鍾意同最憎 d 乜野?
❤. 最鍾意: 所有良好o既感覺 ^v^
❤. 最憎: 浪費 (時間除外 XDDD 哈哈哈哈!)

14. 有咩原因可以令你躁底?
❤. 唔夠[目訓]
❤. 做o野做得勁慢, 好似做極都做唔完, d o野又唔識咁
❤. 想專心o既時候, 被人不斷o係耳邊講o野問o野
(不過通常都幾難引爆到我, 哈哈哈哈 XD)

15. 近來最難忘既一件事係乜?
❤. 藍奕邦《88+1》音樂會, 唱唱下可以成棚觀眾走晒出o黎同歌者擺pose影相 XD !

16. 寫出5 個異性朋友既名
❤. 西醫, 昌, 維, 盧強, Jimmy

17. 上述 5 個有幾多個係你喜歡或曾經喜歡的
❤. 我愛過很多人~~ 老實講, 過半數o架 XDD ! 哈哈哈哈!

18. 如果有鍾意既人, 會點同佢表白?
❤. 始終唔想太主動, 言行暗示啦~ 暗極都唔明, 無動於衷o既, 就... 天意掛! 哈哈哈 XD ~ 最好對方表白o左我先同佢表白 XPPP ~~ 哈哈!!

19. 點一首歌俾你最鍾意既人
❤. 最難唱的情歌 - at 17

20. 你既原則?
❤. 履行好自己的責任
❤. 守信用

21. 係咪覺得答呢 D 問題好麻煩呢?
❤. 唔係, 我多多都同你答晒佢 =v=, 哈哈哈哈!

22. 覺唔覺有果條規則的話，越遲比人 tag 越慘?
❤. 都係o架~ 愈來愈多問題要佢答! 哈哈~

23. 可以取消 ADD 1 MORE QUESTION 依條規則嗎?
❤. [唔好啦，咁樣 forward 更加好玩。] +1 ^(+++)^

24. 最想點死?
❤. 無憾地

25. 返到屋企第一件事做咩?
❤. 放低個袋同拎住o既o野~

26. 夜訓有什麼害處?
❤. [無精神] +2
❤. 上癮 XDDD 哈哈哈哈~~

27. 最憎咩性格既人?
❤. 自怨自艾, 自暴自棄
❤. [欺善怕惡] +1

28. 你最有效的 relax 方法係?
❤. 對住個電腦唔知做d咩 XP
❤. 隨機地睇電視 -v-b

29. 一生之中最瘀既事?
❤. 小學時食食o下整到粒糖吐o左出o黎, 同o係樓下巴士站甩鞋底 XDDDDD 哈哈哈哈哈哈!! 當然重有, 但而家係醒起呢d ;p ~

30. 邊個 model 最正?
❤. 無咩留意喎~ 不過做得model o既, 起碼實有樣o野正o既!

31. 你認為怎樣才叫做幸福?
❤. 難以言傳的獨特自身微妙良好感受, 可以來自簡單不過的一個神情、一句話、一件事等等

32. 18歲之後要做既係...?
❤. 買六合彩 XD !

33. 你既理想職業*v*
❤. 總之可以利己利人的 (?)

34. 本人對容祖兒的歌的評價?
❤. 唔~ 佢d舊歌確係可以勾起我初中時o既回憶o既~

35. 最似曾相識既情景系咩?
❤. 某些似曾在夢中出現過的情境~

36. 請列出5個能用以下顏色代表既人,
[補番 d 顏色 XD]
❤. 桃紅: 小辣妹 XD
❤. 藍: 沉靜機智的人
❤. 粉紅: 可愛的人
❤. 啡: 上班族?
❤. 螢光黃: 夜青

36. 如果沒有任何限制,你最想做啲咩?
❤. 狠狠地壞一次

37. 一生中,最唔願同邊個做朋友?
❤. @@ 無掛!?

38. 好朋友生日, 你會送d咩俾佢?
❤. 無形有形的祝福~

39. 你會發脾4 扔爛手機嗎xd?
❤. 應該唔會掛!? 雖然我細個時試過dup爛隻裂碟 XD 哈哈哈

40 你最想邊個人主動去搵你傾計?
❤. 成日係我主動搵佢先o個d人囉 =3= ~~

41. 正確,正常同最好ge做法,3樣擇1樣 (覺得3樣冇唔同ge人可以飛=.=)
❤. 最好!

42. 介紹一首歌比人聽;]
❤. 時候尚早 - 藍奕邦

43.中唔中意食珍寶珠同玩膠紙 ~ ? >3<
❤. 鍾意o架 XP ! 哈哈!

44.你對同性有興趣嗎?
❤. 唔排除任何可能性 -v- ~ 哈哈哈哈~~

45. 識踩單車或識游水，只可以揀一樣，你會揀......?
❤. 游水 >v< !! 其實我有姿勢無實際o架咋, 哈哈哈哈 XP" ! 我一定要搵個暑假學識踩水先得呀 >o< !!!

(今次唔tag人嚕, 但都加多條先, 哈哈! =v=)
46. 填充題: 我好_______.
❤. 白癡 =v=v

我鍾意d心心呀 >v< ! 哈哈~~ 想答呢d問題o既人可以拎o黎做o架, 無任歡迎~~

身份裡的一團...

cwscws14@yahoo.com.hk (易山今) — Sat, 21 Nov 2009 11:16:00 +0000

A Puzzle
- taken from The Philosophy Gym: Chapter 22 p.250-251, by Stephen Law.

假如.
我們每次往來某一個地方, 也換上了一個新的身體... 不, 應該說, 我們的身體也被重新組織過, 那該如何想像? 我還是同一個我嗎?

我愣住了.
我的心被黑色掏空, 外太空就在那裡不斷擴張, 整個人也就墮進了那片運行中的虛無, 光暗,冷暖也擠不進來...
這故事令我不寒而慄.

可是.
我想, 假如那個我仍然有著對愛人家人的一份關心和掛念, 自身的存在及身份問題, 已顯得不重要了.

tagged by mandel

cwscws14@yahoo.com.hk (易山今) — Mon, 16 Nov 2009 15:45:00 +0000

把以下問題複製，貼在一封你要tag 的 notes 上。
將所有的答案改成你自己的，然後tag 給你認識的20人 (求其啦 -v-) ，包括將這封信寄給你的人。
這個理論要說的是，你將了解你的朋友許多不為人知的種種

......

開始這封的時間: 2009-11-16 22:47

你的全名: Chan Wai Sum

你現在正在聽誰的歌: 我在思想中聽著 <願我可以學會放低你> ! XD

你在哪裡讀書(工作): HKCC

戴隱形眼鏡嗎: 無, 唔會敢戴, 要duk落隻眼度實在太恐怖!! 況且我想o既話可以直情唔戴眼鏡 (不過我除o左梳洗之前同做運動之外都無乜幾可唔戴, 哈哈)

上一次生日蛋糕上蠟燭的數目: 2

你吹蠟燭的日期: 9月14日

你們家養過什麼寵物: 哇好多o架喎其實, 哈哈! 有鴨仔啦, 倉鼠啦, 魚仔啦, 金蛙啦, 龜仔應該都有養過? 重有細個陳肥肉成日捉d唔知咩返來養, 例如: 麻雀, 壁虎, 草蜢, 重有最得人驚o既係... 曱甴囉黐線 ((>口<)) !!!

星座: 處女

有幾多耳洞: 0

你有刺青嗎: 無

你喜歡你目前的生活嗎: 都喜歡!

暗戀過幾多個人: 好多喎其實 XDDD , 哈哈哈哈~~

有向人告白的經驗嗎: 有 -v-

不敢吃的東西: 昆蟲 +2 >.< !!

最喜歡吃什麼東西: 吃得多和想吃的, 代不代表喜歡吃呢? 我一餐唔食菜都覺得周身唔自在

最喜歡喝什麼: 香濃但又不太甜的熱朱古力, 及茶類飲品

最喜歡的顏色: 橙

最喜歡的數字: 3 (?)

最喜歡的電影: 暫時未有?

喜歡看哪一種電影類型: [劇情、小品] +1 ; 卡通動畫; 溫馨感人的; 喜劇

最喜歡的卡通人物或品牌: 加菲, 柯南, 重有我發覺我忽然好似有d鍾意大雄, 哈哈哈!

最懷念的日子: 小時候?

最傷心的事情: 諗錯隔籬, 哈哈.

最想講對唔住的人: 已經講o左

最後悔的: 我有無後悔過呢?

最喜歡星期幾: 星期五, 縱然沒以往的喜歡

最喜歡春夏秋冬哪一季節: 夏 >v< !

喜歡的花: 水花 -v- (抄阿chris個答案, 唔抄唔得, 實在太正!) ~ 呀! 諗諗下重有心花喎 *v* ! 哈哈!

喜歡的運動: 游水 >0< !!!

比過哪些比賽有得獎: 細個d咩硬筆書法呀, 賀卡設計呀, 乜乜之星呀... 大個就咩都無晒 XDDD 哈哈哈哈

喜歡的冰淇淋種類: 有朱古力粒的 >V< !!

最怕什麼東西: 所有昆蟲!!! 勁核突!!!

如果有來世: 我想飛~

討厭做的事: 被迫的事

勁討厭別人做什麼: 間接地傳遞一些很想直接傳遞的信息 (雖然我自己成日都係咁 =v=")

擅長的事: 笑

有想過要自殺嗎: 有

臥室的地毯是什麼顏色: 無地毯

以後想做什麼職業: 可能係同小朋友有關o既?

你們家有多少層/你們家住幾樓: 8

你信有鬼的嗎: 唔想信有, 哈哈

你覺得自己十年後會在哪裡: 同一地方?

無聊的時候你大多做些什麼: 諗埋晒d低b無謂o野 XP ~ 哈哈哈哈

世界上最惱人的事: 少女情懷 XDDD (嘔呢 xp !)

全世界最好的事: [愛/被愛] +1 , 好認同!

覺得同性戀如何呢: 咪戀愛來囉! 我記得我睇過一個由異性戀轉去同性戀o既人講o既一番說話, 好深刻: "我鍾意o既係佢個人, 唔係佢個性別"

如果有人誤會你: [如果果個唔係我 care 既人，就唔理佢；如果係 care 的，儘量澄清] + 1

有想過要怎麼對付你討厭的人嗎: 我無咩討厭o既人喎

你認為你的另一半幫你付錢是理所當然的嗎: 絕對不是!

你介意替你另一半付錢嗎: 不介意!

通常幾點上床睡覺: 不定, 但都00:00後o架喇, 哈哈~

現在心裡最想見的人是誰: 你

理想幾歲結婚: 想快d結跟住儘快生仔 XDDDD ! 哈哈哈哈哈!! 唔好遲過35掛?? (我呢排唔知做咩愈來愈期待第時做人媽媽 XD" , 真係黐o左線 ~.~" , 哈哈)

今天心情好嗎: 還好呀 ^v^ !

最希望誰回信: 有心機打o既先回啦, 哈哈~

33333

cwscws14@yahoo.com.hk (易山今) — Thu, 22 Oct 2009 15:26:00 +0000

tagged by mandel

被 TAG o既人要寫出

3 項最想發生o既事,
a/ 擁他入懷, 牽他的手
b/ 媽咪身體健康, 笑口常開; 闔家平安
c/ 自己將來收入穩定, 最起碼可以照顧到自己先, 唔會失禮屋企人

3 樣最想生日收o既禮物,
a/ 以上想發生o既事達成啦! 哈哈哈 XD
b/ 一段難忘的共處時光
c/ 聽歌音質幾好影相像素唔差o既手提電話 (我o個部唔壞我自己真係唔會捨得換o架, 哈哈 =v=" 縱然我幾想換都好)

3 樣最想食o既野,
a/ 自己廚藝第時純熟高超時 (XD), 整到畀心愛o既人食o既滿意作品 (當然要自己試食o左先唔好食死人啦 XDDD 哈哈哈哈哈~~)
b/ 心愛o既人為我下廚炮製o既o野食 ~^^~
c/ 電視賣o個d好好食o個d ;d ~~

3 個口頭禪,
a/ 哈哈
b/ (人o地問我想食咩/去邊食時) 你想呢?/好呀/是但
c/ 唔知呀/唔知喎 =v="

3 首近期成日聽o既歌, (哇其實我無成日聽o架喎, 我聽一陣聽幾次就轉歌咁o架喇喎, 哈哈 xp")
a/ 畫你 - at 17 (呢首舊歌唔知做咩某夜想聽返)
b/ 其實我不貪心 - 彭紀諺 (我想買返佢呢隻碟呀 >0<)
c/ 奇珍異獸 - 藍奕邦 (唔聽點得呀呢首 -v- 哈哈哈)

給你的話

cwscws14@yahoo.com.hk (易山今) — Sat, 19 Sep 2009 16:38:00 +0000

繼上次無心地發現一件事情後，這次我又無意地再看到一些不該、也不想看到的……

我真的很希望你，更重要的是另外一個人，都可以認真地思考清楚，你倆的身份、角色、階段，是否可以、適合、應該，持續地有著這種關係。還有，請你們加以思索，到底你們之間是為了甚麼，或者是，你們之間有的可以是甚麼。怕一萬，更怕萬一……請想想你們背後的人。

我不想此事驚動到其他對我來說也是好重要的人，容許我再三請求你：三思而後行！

恕我要這樣轉彎抹角的給你留話，因為，我真的不懂面對與處理……

二字頭, 打風球!

cwscws14@yahoo.com.hk (易山今) — Mon, 14 Sep 2009 10:34:00 +0000

難道這就是貴人生日招風雨 XD ?!

香港天文台在2009年09月14日18時00分發出之天氣報告

香港天文台發出最新熱帶氣旋警告

八號東北烈風或暴風信號，現正生效。

表示本港吹東北風，平均風速每小時超過 62 公里。

強烈熱帶風暴巨爵已增強為一颱風。

還不止, 來看看三年前的生日:

香港天文台於下午7時53分 (2006年9月14日，星期四) 錄得一次輕微地震。

噢, 本大姐 (← 嗨~ 很久沒見了 -v-) 生下來就註定要呼風喚雨, 驚天地泣鬼神 =v= ? 呀哈哈哈哈哈哈 XDDD !!

就在人潮為我開路讓我歸家之際 (XD!), 以上的東東就從腦子裡跑了出來, 途中不禁暗自偷笑, 哈哈哈~~

真沒想到唸到上來, 學校也會有廣播, 呼籲學生於颱風懸掛前早點歸去的 @.@ ! 我那時還以為是要宣傳甚麼甚麼活動, 哈哈哈 =v=" ! 名正言順走堂前, 還好有一個天地間的偶遇, 為風雨之外, 作多一個點綴 (會不會浪漫了點 XD?! 如果那人看到, 希望不會被嚇怕 XD , 哈哈哈!) ~

佳人未能有約, 車子於是也送我到來投注站, 碰碰運氣也好啦~ 就趁那個護衛轉過頭忙著別的, 混水摸魚衝進去吧!! 心想這次還不能成功逃離查證 XD ?! 噢! 誰不知他一邊向我推廣那個投注戶口, 一邊就在我差點成功進佔投注隊尾之際, 向我拋下一句 "先check證" =0= ! 緊隨著護衛看證後 "哦" 了一聲若有所思似的, 不知哪來的大叔大概呢喃著怎麼小妹妹也能進來啊, 職員阿姐就已自動為我解畫 -0- ~ 哈哈哈!

好啦, 無聊東東暫且止住 XP~ 說說別的. 從一字尾跨越到二字頭, 感覺不像從十七過渡到十八那樣來勢洶洶令人生怕, 它卻在慢慢逐少逐少的滲出, 似在佻皮地輕輕敲著你的腦袋: 喂, 二十歲啦~
人生有幾多個十年(XD)? 我現在有兩個, 想想也絕對值得感謝身邊的一切 ;) !

呀, 還有! 修改這篇東東時看到這個:
這個是蛋糕嗎? 是blogger特地給我的, 還是只是一個美麗的誤會呢 XP ? 哈哈! 管他的! 我看到就即是送給我的啦 XDDD ~ (我這種無賴 XP ~~)

o Tagged by blueblue, 維, florence, 雪, 米米

cwscws14@yahoo.com.hk (易山今) — Mon, 31 Aug 2009 14:25:00 +0000

哇我竟然被5個人tag左 *o* ! 哈哈!

(1) 被點到必填，不填代表你不尊重傳給你的人和問卷
(2) 請老實的回答每一個問題。
(3) 不行擅自塗改題目。
(4) 寫完請點15位小朋友，不可不點。(小朋友 xp ?? so cute~~ 哈哈)
(5) 點完後請通知那15位小朋友他被點到了。

【點名人物】 (排名不分先後)

1. blueblue - 回點
2. 維 - 回點
3. florence - 回點
4. 雪 - 回點
5. 米米 - 回點
6. ling (重未accept我呀你 =3=~~ 都唔睇facebook o既)
7. 金 (可以唔使答 "是誰傳給你這份問卷的" o個度o既問題喇 =v= ~ )
8. 細因 (同上 =v=)
9. 細man
10. 黛
11. 粉
12. 嘉莉
13. 盧強
14. 雄
15. 坤 (加埋哥哥二字 XP , 如果沿用兒時稱呼o既話~ 哈哈)

01-【4號認識6號嗎】：唔識o架 =v=" 哈哈~ 不過唔排除緣份會作出安排, 哈哈哈~
02-【10號是男還是女】：好lady o既女仔 >3< ~
03-【8號的興趣是】：我諗上網應該會係其中一樣掛 xp ?!
04-【1號有沒有兄弟姐妹】：好似無??
05-【7號姓氏】：鄭
06-【10號人緣好嗎】：我覺得好~~
07-【15號有人追嗎】：唔係好清楚, 但我覺得佢應該有人鍾意 -v- ~
08-【承上2號呢】：同上 -v- ~
09-【6號喜歡的顏色是】：黑白 (?) , 但我諗佢而家應該想多元化d哈哈 xp ~~
10-【3號和10號是朋友嗎】：佢o地唔相識o架, 不過都係呢句 XP: 唔排除緣份會作出安排, 哈哈哈~
11-【8號的生日是】：12月20
12-【5號讀哪呢】：讀完書嚕~~
13-【你怎麼認識10號的】：小學o個時, 我記得o個時返到屋企都重要同佢勁煲電話粥! 哈哈!
14-【你跟1號的生日差幾個月】：1個月都冇, 要計的話就應該半個月 <-- 同你個答案一樣呀blueblue ^v^
15-【你和9號有出去玩過嗎】：有啦梗係! 不過好耐都無出過喇, 幾時再出好呀 >v< ?
16-【你喜歡和11號聊天嗎】：喜歡! 不過其實又好耐無傾嚕 =v="
17-【你喜歡和13號在一起嗎】：喜歡, 我覺得佢有風度, 對女仔好好 ^v^b
18-【你覺得14號人怎樣】：難得一見成日都瞇起眼笑o既男仔! 個樣得意, 哈哈! 好高!
19-【你覺得15號人怎麼樣】：好記得你講o野o個d特別o既音, 哈哈 XD ! 個樣睇落好cool~
20-【你愛12號嗎】：愛!

21- 是誰傳給你這份問卷的: blueblue, 維, florence, 雪, 米米
22- 你們認識多久呢: -
blueblue, 維, 米米: 3年左右
florence, 雪: 就o黎半年
23- 你覺得他(她)對你來說很重要嗎: 重要!
24- 你與他(她)的關係是: 朋友
25- 請問他(她)的興趣是: -
blueblue: 音樂, 上網 (?)
維: 聽歌, 寫o野, 睇書, 上網, 重有近期係咪入下廚房呀 XP ? 哈哈哈
florence: 引我笑 XDDD ! 整返幾味, 正 =V=b !
雪: 畫畫, 整圖 (?)
米米: 唔知點解我覺得係同人分享佢自己o既事情, 哈哈~
26- 你覺得他(她)的個性如何: -
blueblue: 好人, 好有心, 不過好似幾低調 =v= ?? 哈哈哈
維: 比我初時識佢正面o左好多, 同埋好似比以前傻o左咁樣 XDDD ! 呀哈哈哈! 但有時仍然唔知佢心入面諗緊咩
florence: 好好人! 好識tum人 (我) 開心 XP ! 哈哈哈哈! 同佢一齊好輕鬆愉快~~
雪: 藝術人 -v- ~ 哈哈哈!
米米: 好關心身邊o既人, 好健談, 好玩得, 係個好得人鍾意o既女仔 ^^ ~~
27- 他(她)在你心目中是幾分: 全部都好高分!

*睡覺前第一件事: 整理周圍成一個令到自己舒服o既環境, 然後唔知諗d咩到[目訓]著~ XD 哈哈!
*起床前第一件事: 唔願起身呀[目訓]多陣先得唔得呀 =3= ~ 哈哈~~
*你的偶像是: 阿邦!
*你喜歡的季節: 夏天!
*你打工過嗎: 有呀, 打過3份唔同o既工種, 見識o左好多o野, 同覺得令到自己有著一點點o既改變 ^v^b !
*你想去的國家: 唔~ 無咩話特別想去, 有得去o下唔同o既地方睇o下不就已經很好了麼? 哈哈~
*你討厭什麼樣的個性: 唔~~ 將自己d o野收收埋埋掛
*你會抽煙嗎: 絕對唔會!
*你會喝酒嗎: 熟人叫我試下咪可能會飲少少
*你常哭嗎: 常o架哈哈 =v=" ! 成日好易睇到d o野, 就連睇卡通片 (XD), 覺得感動o既, 都可以喊o架 =v=" !
*你常笑嗎: 我笑點太低 XDDD ! 哈哈哈哈!! 成日好小事都覺得好好笑o架 XP !
*你喜歡去哪兒玩: 有得玩去邊度都無所謂啦! 係咪先 -v- !
*玩時喜歡一個人去嗎: 一個人都可以, 但玩當然多d人一齊先更加開心 >v< !
*你睡到幾點: 唔定時o架~~
*今天的天氣是（晴雨陰）請選擇: 晴!
*朋友和情人你會選擇: 請參考我之前o個篇 "關於..." 入面o既呢條問題
*機會和命運你會選擇: 命運中有機會
*你很自戀嗎: 一時時啦 XP ! 我諗適當o既時候需要自戀一下掛!? 哈哈哈~~
*你有穿過耳洞嗎: 無呀, 應該唔會打算穿?!
*這問卷多不多: 就算唔多都可以被我整到覺得好多o架 XDDD ~~
*要怎樣才能讓自己過的好一點 : 愛自己!
*喜歡吃冰嗎: 喜歡o架~ 唔知點解覺得咬爛d冰個感覺幾得意! 哈哈~~
*現在幸福嗎: 幸褔 ^^ ~
*最在乎哪幾個朋友: 做得自己o既朋友o既人, 即係自己在乎o既人啦 ^.^ ~
*房間裡最重要的東西是什麼: 我成張床! 同熟悉,舒服o既感覺!
*最常夢到什麼: 唔同時期識o既人大兜亂, 哈哈哈!
*男(女)人精神出軌要不要原諒他(她): 原諒掛?!
*人生的意義是什麼: 就是找尋自己人生的意義 XD ! 個個人都唔同吧?
*聽甚麼歌一定會流淚: 睇心情? 心傷聽咩都想流淚掛?!
*你一直都相信自己既選擇嗎?: 其實有時真係唔肯定 =v="
*你愛的人不愛你的話, 要過多久才可以不再愛他/她?: 又係請參考我之前o個篇 "關於..." 入面同呢條差唔多o既問題
*你的初戀係幾時?: 唔~~ 如果o個次算o既話 (其實我麻麻o地想o個次算係 xp"), 係初中
*幾歲結婚?: 唔知呢~ 不過就咁諗o下都覺得幾幸福, 哈哈! 雖然唔知個對象係邊個 XD ~
*你對朋友有什麼看法?: 一種家人,情人以外o既親密關係
*你依家對你前度男友/女友?: 偶爾佢o既影像會突然o係腦海湧現
*你答完尼d問題之後會做咩啊?: 傾project
*如果時間可以重來，你想回到何時?: 無所謂? 其實而家都幾好呀!
*點解會同我咁好朋友?: 緣份! yeah~
*點解會成日發癲?: 因為我鍾意囉 XD ! 好開心o架喎 XP ~~
*最近呷過邊個醋?: 我好易呷醋o架 =v=" , 總之同佢好似幾要好o既人都會呷啦, 但當然我覺得佢唔會知
*最近有冇咬人?: 呢題超好笑!!! XDDDD 哈哈哈哈哈!!! 點解無人咁講o架?! 無端端做咩要咬人 XDDDD ! 怪獸麼 XDDD ??!
*你對上一次諗起你中2 ge人係幾時?: 就o岩o岩咋嘛 ^^~ 成日都諗起o架喎 XP ~~

孩子的空間

cwscws14@yahoo.com.hk (易山今) — Sat, 29 Aug 2009 15:10:00 +0000

o岩o岩睇o左收費電視台同鮮魚行學校梁校長o既訪問,分享, 好感動! 我覺得如果真係充滿教學熱誠, 辦學理想o既, 做小學教育真係最適合! 小學呢段時間真係童年中最重要o既, 為小朋友締造一個美好o既回憶, 真係對佢o地日後成長有好大o既影響 ^v^ !
梁校長講得好o岩, 香港用o左商業o既思維,模式o黎辦教育, 太功利, 好難令到小朋友有較全面o既發展; 主持阿旦亦有一句我好認同, 佢話得好少好似梁校長咁有心o既人, 卻有好多別有用心o既人...

另外, 尋日睇新聞報導, 我大概記得係話將來子女o既個人私隱可能會受到法律o既保護, 家長或監護人都可能無權查閱佢o地o既一d私人資料, 其中一樣係子女o係學校o既表現,成績. 新聞片段內其中一個受訪者話, 咁樣可能只會矯枉過正, 令到家庭關係愈來愈緊張; 又有家長表示, 如果真係咁樣o既話, 佢o地真係愈來愈唔識養育小朋友...
係呀, 我都覺得, 而家都幾多社會問題, 特別係兒童同青少年o既, 其實都同家庭不無關係. 一個家可能已經無上一代咁密切喇, 如果重要有多一d阻隔, 咁樣我真係唔識想像喇... 嚴重d o既可能呢個地方o既出生率會有進一步o既影響 /3\ ~~

(個標題係咪好似正經過頭 XP")

關於...

cwscws14@yahoo.com.hk (易山今) — Tue, 21 Jul 2009 14:38:00 +0000

[1] 被點到必填，不填代表你不尊重傳給你的人和問卷。(想做o既都可以填o架 ^^ ~)
[2] 請老實回答每一個問題。
[3] 不行擅自塗改題目。
[4] 寫完請點20位，要點回點你的人。

[]關於自己[]

01.花名：岑岑
02.生日：14/9 (農曆乃中秋節 ^(+++)^)
03.星座：處女
04.男or女：女
05.搵四個字形容自己：無聊低b (XP~)

[]關於友情[]

01.覺得朋友重要嗎：重要
02.有被朋友背叛過嗎：無
03.被背叛感覺是怎麼樣：希望之後都唔會有呢種感覺
04.跟朋友通常因為什麼事吵架：真係無試過同任何人吵得面紅耳熱喎!
05.通常和好的原因：總要有一方肯踏出第一步修好

[]關於愛情[]

01.友情和愛情哪樣重要：如果覺得友情較重要, 個人覺得係因為未遇到一個令你覺得愛情較重要o既人
02.目前有男/女朋友嗎：無
03.你很愛她/他嗎：[不適用]
04.她/他很愛你嗎：[不適用]
05.如果她/他要求分手：先了解原因, 再看下一步怎樣做才好 (而家就可以咁理智, =v=" 哈哈, 到時如果真係, 我諗我第一下實會盡力挽留)
06.如果沒有男/女友,有喜歡的人嗎：有
07.覺得自己喜歡的人要如何：思想成熟, 孝順, 無不良嗜好
08.覺得自己會喜歡那個人多久：到我無力喜歡佢, 或我對佢o既感覺變質為止
09.如果有一天另一半突然離開：qoooooo淇: "突然, 一定會搞清楚咩事" <-- 贊同! 同埋我諗我會驚惶失措!
10.分手的話會不會哭：會

[]關於親情[]

01.家庭成員有誰：媽咪, 爸爸, 陳肥肉, 自己
02.最喜歡哪個：媽咪
03.最討厭哪個：無
04.覺得自己的家好嗎：還好
05.承上...為什麼：大家都多以行動代表說話表示關愛
06.親情對你來說很重要嗎：絕對係!
07.有兄弟姐妹的話吵架都是為了什麼事：其實又唔係吵喎, 係有d激氣有d嬲咁, 不過其實諗返都係d濕碎o野, 哈哈 =v="

08.後來是怎麼和好的：過o左一陣, 耐者一日, 就無o野
09.整個家誰是最重要的那個：媽咪
10.承上...為什麼： *我　命裡走過甚麼　也比不起妳的痛楚*

[]自己[]

01.耳洞：無
02.染髮：無, 但係都有人問過我係咪染過o黎, 哈哈 -0-
03.抽煙：無, 但二手煙真係吸唔少 ~.~
04.喝酒：有飲過, 但我未識欣賞
05.寵物：魚仔, 但其實唔係我打理o既 xp"
06.戀愛：算有過嗎...?
07.自殺：有幻想過, 重變態地覺得有d痛快, 但唔會敢去做
08.自拍：上年定前年發神經地有過唔少 XD , 而家就完全無呢個意欲, 覺得咁樣影出黎o既都唔會自然o既
09.網誌：有, 你睇緊o既咪就係囉, 哈哈~~
10.紋身：無, 細個就有玩過水印o個d, 哈哈

[]無聊問題[]

01.心目中的對象是誰：佢叫... 唔話你知! 哈哈哈哈 XD !!
02.如果你的家人跟你的另一半同時跌落海,你會先救誰：妄想中: 每隻手攬一個, 哇哈哈!
03.直到現在有哪幾首歌,可以感動到你：重使講, 梗係阿邦o個d啦 XD ! 哈哈哈哈~~ 同埋多係以親情為題材o個d~ 但我必須承認我近呢一兩年多o左被情歌感動~
04.如果你有多啦A夢,你想要它的什麼法寶：竹蜻蜓! 想試下親身o係天度飛! 哈哈 >v<
05.想改掉的壞習慣：唔~~ 想得太多??
06.人生對你而言最重要的事情是什麼：家人的支持
07.覺得目前為止做過最有意義的事：我依一刻覺得係畀過錢屋企使, 哈哈!
08.哪一件事情讓你永生難忘：暫時o黎講係上個同今個暑假所發生o既事
09.如果還有來生,你要當男生還是女生：一定係男生!!! 女生太麻煩喇!
10.未來有什麼計畫：盡力履行好自己o既責任
11.最想去的國家：等我遊遍香港先再問我啦, 哈哈!
12.朋友和愛情,你會選擇哪邊：我諗真正o既朋友同愛情, 係唔會令你去到兩難o既地步要作出選擇
13.目前最煩惱的事：工作上o既練習
14.認識異性第一眼會看什麼地方：概括o既外型
15.有錢的話想包養誰：屋企人
16.你願意花多少時間去等你所喜歡的人：喜歡的人不是等回來的
17.究竟是陪在身邊的人重要?還是心裡的人重要?：心裡
18.假如你有一千萬,你最想拿來做什麼：畀晒屋企
19.世界上最值得你留戀的是什麼：可愛的人和事
20.什麼樣的異性最吸引你：少少薯薯o地, 有d傻o下傻o下咁o既 XP~~ 哈哈哈哈~ 我唔鍾意潮人!
21.第一次性經驗是幾歲：無
22.有什麼事是你覺得一輩子一定要去做的：照全身o既X光 XD ! 困lift XD ! 哈哈哈哈哈哈!!! (係咪無人夠我奇特 XDDD !!)
23.有沒有想過哪一天自己是怎麼死的：都有, 諗過可能係意外 (喂, 呢句原來可以有兩個意思o架喎 =v= 哈哈)
24.你最喜歡做的事：笑, 坐o係梳化食飯睇電視, 上網, [目訓]覺, 哈哈
25.你覺得自己哪裏最性感：講o左唔准嘔o架~ 鎖骨, 哈哈 xp
26.如果身邊的朋友或另一半有人偷吃,你會如何：即時對佢產生不良感覺
27.喜歡被愛還是愛人：想被愛, 先要學會愛人
28.近期最開心的事情：接觸到不少天真無邪, 可愛乖巧o既小朋友 ~^^~ !
29.愛一個人,需要付出多少代價：愛一個人最理想是不計較
30.為什麼會愛上自己的情人：暫時無情人, 如有, 我想是感情累積的昇華吧 (?)
31- 是誰傳給你這份問卷的：qoooooo淇
32- 你覺得他(她)對你來說很重要嗎：重要o架
33- 你們認識多久呢：3年
34- 你與他(她)的關係是：朋友仔
35- 請問你會愛上他(她)嗎：如果我係男o既, 話唔埋o架! 哈哈~
36- 你覺得他(她)的個性如何：整圖高手 -v-b ! 係個可愛o既女仔 >v< ~ 咩都好, 畀心機呀!
37- 他(她)在你心目中是幾分：高過我自己o既分數

好開心被tag, 哈哈哈, 我唔知做咩成日都好想做呢d問卷o架~~ 哈哈哈哈!

實習小記

cwscws14@yahoo.com.hk (易山今) — Tue, 02 Jun 2009 15:56:00 +0000

反正"實習"期間也會有點感想的, 就直接寫進這邊吧, 哈哈. (希望我能每天都更新啦 ;P)

1/6

一位病人與物理治療師閒談"忍痛能力"中的一番話令我很感動: "我生仔真係生上癮, 哈哈哈! 你痛完之後就會有一個小生命... o個種喜悅, 真係令你覺得咩痛苦都唔重要!"
次次著親新鞋都摑腳 =3= ! 就算唔係斗零[足爭]o既高跟鞋都係咪預我! 著完隻腳痛到隻o野咁 >口< ! 你要知我跑完步都無痛o架大佬! 好在之後都唔使再咁著咋~
第一天在私家復康中心的"實習"算是不錯的開始, 雖然全程只是在觀察, 但也超過了預期的; 對往後的亦有點期待. 努力!

2/6

早到了集合地點, 閒逛時看到了這個: "香城茶餐廳" ! 哇哈哈哈哈! 專為高考而設的嗎 XD ?! 可惜這天的目的地離那裡有一段路程, 午飯便未能光顧一下了 u3u ~
很高興認識了這位和我一樣小個子又常被誤以為年紀很輕的同學仔, 哈哈~ 我們午飯後互訴當中的一些"辛酸史"真是很有共鳴, 哈哈哈! 大家的名字又又很有緣地中間的都是這個"蕙"字 ^^~
在老人院舍過了較公式化的一天, 但正正因為這樣, 有更多機會聽導師分享, 獲得了很多一手資訊, 知道了更多行情; 我們還談及了一點點對生命的看法, 如果可以, 我還想討論更多呢, 哈哈.
希望一段時間之後, 那標題中的引號能被刪除-- 我們有機會"落手落腳"試做一下 =]

3/6

;) 今日都幾精彩喎! 哈哈!
同拍檔用o左針灸用o個d針互[手吉]對方, 當然係治療師指導下啦, 哈哈哈哈! 又無乜點痛咋喎~ 驚係驚幫人[手吉]o個下, 好怕整痛人嘛 =v=" !
又玩o左架電療機, 都幾得意, 哈哈, 個感覺係好似有d細支o既棍仔好快咁duk落d肉度咁, 哈哈哈哈~
晏晝時跟治療師去西貢上門診症, 佢話我o地當去旅行喎, 哈哈! 哇, 見識到d靚同豪到痹o既大屋 @0@ ! 其實見到呢一個病人o既情況真係有d覺得, 無論你家財萬貫又好, 物業有幾多都好, 但無健康o既身體, 呢一切榮華富貴都係徒然... 可貴o既係家人o既關愛, "之前聽X太話你病o左會買間對住海o既屋你住, 估唔到真係買o左喎!" (周圍個環境真係靚到震 *v* !)
"好過癮喎!"-- d o黎睇症o既人 (簡稱客人, 我唔知點解覺得稱佢o地為病人始終唔係咁好, 佢o地又唔算係真係有病) 被治療師按壓完之後, 所形容o既痛與不痛之間o既感覺, 哈哈哈! 我覺得呢個形容好搞笑!
d客人都好歡迎我o地o係度睇住, 哈哈, 重撩我o地傾計, 個個都好友善 ^^~ 可能覺得我o地可愛 XPPP (唔知醜, 哈哈哈哈 XDDD)

4-6/6

這幾天都沒怎麼特別, 只是覺得很睏, 哈哈哈, 無他的, 只是每天都要老早的去到老遠的地方, 雖然去到那裡都只是站著和坐著 -0-" , 哈哈.
不過真的體驗到之前社會學課所說的: (社會所塑造的) 女性的特質讓她們較容易, 或較希望, 尋求醫療的專業意見及協助. 光顧私家復康中心的絕大部份都是女客人呢.
男兒有淚不輕彈? 會扛得很辛苦了吧?

8/6

今日都幾充實 ;] !
朝早o係老人阮舍整理o左d院友o既文件 (終於有d o野做o下喇 -v-); 又試玩o左o架超聲波機, 冷熱交加 (當藍o者喱遇上超聲波 XP 哈哈) o既感覺真係令我覺得唔係咁舒服, 不過整完後o個個部位o既肌肉確係鬆o左~
聽o左d婆婆o既介紹, 去o左o個頭附近o既巴士站o既員工茶水站食平o野 =v=, 哈哈~ 初初睇到話"只限九巴員工內進"都唔敢入, 但睇睇o下見入面o既大部份都係街客, 結果就可以用$14換來一個飽肚喇, 哈哈!
下午返去私家中心, 都睇o左幾多個客人! 老細真係分身不暇, 日日都覺得佢趕頭趕命咁, 真係幾憔悴下... 其實講真呀, 日日都聽到咁多人嗌痛, 見咁多苦瓜口面, 心真係酸o架... 不過我諗就係呢d變成一種動力, 令到醫者們努力助病人重拾健康與笑容!
一個客人o既家屬講得o岩喎! 我o地係o黎見習, 完全中晒point! 哈哈!
一個見過幾次o既客人講o野真係好搞笑! 哈哈哈哈~ 我笑到就o黎失控 XDDDDD" , 哈哈哈! 佢話老細按落去佢度佢覺得好正, 哈哈哈 XD ! 話佢自己個姿勢好似d美人春睡咁, 哈哈哈哈~~ 又同老細傾開陪審團, 佢話如果係佢做o既話, 佢實會釘死d猥瑣佬同咸濕佬, 哈哈哈, 跟住老細就話未必成日都會審到呢d案o既, 哈哈哈哈哈~ 佢又話老細個老婆把聲好好聽, 好溫柔, 老細話佢今晚話佢老婆知, 佢實會好開心係咁笑, 哈哈, so sweet ~^^~
一個新客人形容針灸o個種痛: 痛得o黎係high o架喎! XD 哈哈哈~~
今日同另一個治療師講多o左o野, 佢都幾風趣, 哈哈~ 話練手力o個o舊好得意o既類似青檸o既波波唔食得o架 XD, 又話唔好返大陸呀, 會被人斬手o架, 哈哈~ 佢應該幾識享受人生~

9/6

和一位客家婆婆談了一席話 (有些鄉下話不太明白啊 ^^" , 但內容大致上也清楚的), 又看到一些身體情況特別壞的院友, 真不難理解為何人老了總會有些較消極的想法隨之而來-- "我真沒用呢, 雙腳都不太能動了... 還在這裡真覺得在連累他人..." 身心上的苦都不好受呢... 我想其實無論誰也不會想輕易地放棄生存的機會, 但活到那個年頭, 會質疑自己的生命應否延續下去, 好像無可避免似的... 唔... 究竟怎樣做才可以讓自己的餘生過得輕鬆自在呢? 我想應該是要趁年輕就開始下功夫了吧? 強健的體魄, 樂安的心靈, 親密互信的人際關係, 慢慢的建立與累積... 這樣, 年月對自己, 甚至別人, 的威脅應該可以減低一點吧 (?) =)

10/6

今日拍檔暈o左 @@" !! 講真o架! 嚇死我呀真係!! o個時係睇緊老細同人針灸, 呢次係[手吉]手腳腕呢d皮比較薄o既地方, 我都比之前驚o左! 拍檔o個下捉住我話好暈, 我又慌又亂咁開張凳佢坐低, 見住佢面色愈來愈蒼白, 個嘴唇漸無血色... 真係好不知所措, 淨係識企o係度又唔知做d咩可以幫到佢... 真係好驚佢就咁昏迷不醒... 真係好驚!! 好在佢抖o左陣, 飲返啖水, 最尾都無事咋, 真係鬆一大口氣! 呼 /u\ ~ 嚇死我喇 ><" ~~ o係呢d危急關頭我總係不懂應變的...
臨走時主要負責老人院舍個治療師來o左, o個日係初來報到無耐o既暑期工第一次見到佢, 佢話佢入來o個時, 係指住張擺o係接待櫃檯o既卡片話佢就係呢個, 哈哈哈哈哈哈 XDDD !! 雖然我無睇到o個個情景, 但係諗到都覺得好搞笑 XDDD !! 哈哈哈哈~~ 我同拍檔都覺得佢成個人都好搞笑, 係傻o下傻o下咁, 但佢自己又好似不自知咁樣, 都幾可愛 =v= ~~ 哇哈哈哈~ 可惜他有女友 XDD , 哈哈哈哈!

12/6

正正式式有得幫d客人用架電療機! 雖然只係手辦眼見功夫, 但都覺得自己o係度除o左少少執頭執尾, 都叫做做o左d o野呀, 哈哈哈哈~
晏晝食o左餐勁勁勁抵o既! 真係咁耐以o黎都無試過出街食可以咁抵喇, 哈哈! 係d街市熟食檔$20大碟飯兩份食, 重有湯送, 我幾大食下都夠食, ;d 又幾好食~ 而且又再次證明我o地真係青春無限 =0=" , 哈哈哈, "係咪豬流感唔使返學o黎食飯呀" -0- ! 哈哈哈! 我話我o地讀完中七添o架喇, 就連隔籬個o係度靜靜食緊飯o既阿叔都笑o左下, 哈哈哈~~

13/6

咁耐以o黎第一次返去係一個客都無o既 *_* ! 我o係度瞌o左陣, 哈哈, 又試校架超聲波機幫個暑期工整下, 因為o個時佢跟治療師學緊d機點運作~

15/6

朝早又o係老人院舍做少少文職咁啦, 又同d院友碌下個超聲波咁~ 晏晝就去o左之前o個度d院友介紹過o既"麵包舖" (但係又賣小食又賣飯盒o既) 度試下d飯, 都好抵呀! $13一盒飯, 都算係咁, 哈哈!
下晝返去復康中心, 咁o岩一個治療師要去護士協會送少少貨, 又見我o地無o野做 (XD), 就帶埋我o地一齊去喇, 哈哈~ o個棟大廈有好多層都係屬於呢個協會o既, 有賣生活雜貨o架啦, 又有保險部, 旅遊部, 同教育部等等-- "做護士真係好多福利o架!", 哈哈. 話雖如此, 如工作只為飯碗或者貪圖福利, 而無熱誠服務他人為公益, 都真係... 你唔討厭份工作尤可, 反之就... 不過談何容易呀!

16/6

最後一日去呢兩間o係觀塘o既老人院舍, 都係聽下d有痰o既呼吸聲呀, 推下輪椅咁~ 又應治療師之前不斷o既呼籲, 帶o左本書去睇, 哈哈, 因為真係唔多o野可以畀我o地落手去做. 拍檔唔記得o左帶, "不如你讀出o黎呀", 哈哈哈, 橫掂又真係得閒, 就讀o左幾個篇章~ d人見到我o係度讀o野都好似有d驚奇咁, 哈哈哈, 真係爭在無拎個咪來廣播畀d院友聽 XD (不過我諗無乜人會有興趣聽我讀o野喇, 哈哈, 事關拍檔話佢聽到中途都瞌瞌下 XD), 哈哈哈哈!

17/6

這天不知怎地很多男客人 @o@ ~ 其中最深刻的, 是一位看上去只像六十來歲, 但實質卻是行年八十的健壯伯伯! 他是來作免費檢查的, 老闆指出他只是少許肌肉繃緊與疲勞, 還道他脊骨堅挺, 以伯伯這個年紀還這麼健康的真是很少見呢! 暑期工問他可有養生之道? 他說飯餐多菜少肉, 每天行山30分鐘後才上班, 每星期打一次高爾夫球. 唔~ 我想只要有恆心, 健康應該不只屬於富有人家的吧 =) ?
午間趁老闆上門護理, 我和拍檔便有長時間可到超市格價兼選購小禮物以答謝一眾治療師, 哈哈 =v= ~
很讚同老闆的這番話: "我們不主張因為身體問題而完全停止興趣活動, 而是要慢慢適應, 使這些活動可以繼續如常進行."
很喜歡看X光片, 那個影像與顏色很神秘似的, 哈哈哈哈, 正如我之前所講我有這個癖好的原因: "可以從內裡o既實體了解一下自己, 實中帶虛虛中帶實, 實在係玄妙!" -v- 哈哈哈哈~

18/6

最後一日去葵盛o既老人院舍, 都係做返之前差唔多o既o野啦, 同埋影下相咁~ 合照完後, 估唔到個治療師會提議我o地不如影下d趣怪相 (愈來愈覺得佢個人可愛, 哈哈哈哈 XDDD): 拎個超聲波來當咪呀, 個電療o既吸盤來扮晒傳聲筒咁呀, 學d婆婆坐o係度拉繩呀, 哈哈哈哈哈哈 XDDD ~~
下晝返去油麻地o既中心, 都係最後一日喇~ 老細呢日唔o係度, 剩返好風趣o個個治療師, 咁我o地就同佢逐樣試勻未試過o既儀器~ 我試o左個用氣壓來消腳腫o既, 哈哈, 好得意, d氣泵下泵下咁按我隻腳, 都幾舒服~~ 同埋又試o左畀治療師做正式d o既針灸, 運緊針時支針好似o係度撩緊我d肉咁, 可想而知如果我有肌肉痛o既話, 都幾係o野, 哈哈哈哈!
治療師又畀我o地睇下佢d威水史, 佢真係唔少o野o架! 哈哈~ 經常去外國上course, 好似識好多猛人咁; 又出過幾本書, 去過不同o既地方做講師; 上過電視, 都市閒情呀快樂長門人呀放學ICU呀咁; 又開o左間治療用品公司, 之前重做過政府o既要職等等, 真係勁!! 哈哈哈哈~~ 我覺得佢個人都好開心, 哈哈哈, 都成日笑, 又識講笑, 好bright! 如果我身邊多少少呢類o既男仔同我平衡返d你話幾好呢 XP ~ 哈哈哈哈! (講開講下, 哈哈, 我發覺我傾得埋o個d男仔真係唔知點解不約而同都係有少少悲悲o地o個d o黎o既 =0= , 哈哈)

19/6

實習最後一天!
同呢個中心唯一o既女治療師o係彩虹過o左一日, 做o既o野都係差唔多, 見到o既客都係差唔多~
夜晚就去佐敦上風趣治療師o既堂, 睇下佢代理o既無藥性彈性膠布點用法~
呢晚返得夜o左, 所以星期六就可以唔使返喇 ^(++++)^v ~ 哈哈!

總結:
開始時沒怎麼預期過的實習, 帶給我的竟不少! 還真有些捨不得多位治療師-- 成熟持重的, 傻傻戇戇的, 風趣開朗的, 年輕貌美的, 哈哈; 及相處了整整一共17天的親愛 (XD) 拍檔!! >3< ~

上色

cwscws14@yahoo.com.hk (易山今) — Sat, 23 May 2009 09:29:00 +0000

消毒氯氣味, 透澈的池水, 清脆的撥水聲-- 立夏了已經一段時間, 前天我才再次踏進這個青春活力滿溢的地方 (其實場內是比較多上了年紀的 , 哈哈), 開始為我的皮膚塗上一層健康的古銅呢, 哈哈哈!

之前給小學同學誤導了, 還以為泳池在這個時候已經開始多人了, 哈哈, 才不是! 一個人可以獨佔一條或以上的泳線呀! 向橫抑或向直游悉隨尊便, 何其暢快! 哈哈哈哈! 我來來回回的享受著身於水中的恬靜, 一道又一道若隱若現的銀白絲帶, 時深時淺, 時光時暗, 繫上我呼吸的韻律,身體的游移...... 千絲萬縷在柔婉的輕撫著,穿透著,滲透著那流動的髮膚, 然後逐寸逐寸的融入, 轉化...... 想不到, 暢泳了才個多小時, 期間又只是間中天色清朗, 我的皮膚已給掃上淡淡的褐色了, 哈哈哈哈, 真不錯!

於戶外運動你說多好! 伴著你的有熱情的太陽先生, 爽朗的清風小姐, 活潑的小鳥朋友, 氣息脫俗的林木家庭...... 真不明白為何有些人會喜愛閉於健身室內運動的-- 灑汗的同時涼著人造的冷氣, 身體只停留在一個特定的位置上不斷動著, 又最多只能隔著硬邦邦的玻璃看著車水馬龍人來人往的街道...... 這樣做運動不是很荒唐嗎? 能花錢來參加健身會籍, 為何不能花時間來找個公園呢? 運動的時候應該趁機好好的接觸一下大自然才是嘛! 哈哈.

腦海不知怎地就響起了這首歌--

<<山水>> - 關淑怡

童顏老心 XD ?

cwscws14@yahoo.com.hk (易山今) — Tue, 19 May 2009 15:48:00 +0000

(有無覺得個標題好正呀喂 XD ~~ 哈哈哈哈哈哈~~) 我係童顏應該都可以話係無容置疑喇 (o卦?!) , 哈哈, 但係其實我覺得我某程度上都幾似d師奶, 甚至阿婆 =v= ~ 哈哈哈哈哈哈哈哈哈!!

先o黎睇o下我o既自白:

1. 我成日無時無刻都留意住身邊周圍有咩平o野, 筍o野, 免費o野, 都幾貪小便宜o下, 勁鍾意抽獎!

2. 行街行到去邊都o係度暗地裡格緊價 =v= , 超市街市士多大街小巷連鎖店便利店都可以話係無孔不入~ (唔好意思, 係用緊誇張法o既 XD !) 差$1都覺得好唔抵兼dum心, 哈哈哈! 另外耐唔耐行開超市都有d婆婆同我嗲兩句~ (查實係問我d o野幾錢o者 XD 哈哈哈哈哈~~)

3. 有時間實追電視劇! 有好多電視節目好睇o個時會好興奮好期待 *v* ! 哈哈哈哈哈! 覺得d老一輩o既演員勁正 >3< ! 好似胡楓呀雪妮咁!

4. 好鬼死鍾意d懷舊o野, d擺設呀, 衣著呀, 歌曲呀, 用語等等, 我覺得有韻味到爆!! 簡直超想自己生於o個d年代! 都真係幾想快d著阿婆衫 XDDD , 呀哈哈哈哈哈哈哈哈!!

5. 唔抗拒皺紋, 重覺得佢o地好有質感, 係年月o既見證! 正o野o黎o架喂! 哈哈!

6. 覺得中樂, 尤其係二胡, 完全係我內裡o既聲音, 百分百撩動著我o既心弦, 噢~ 真係無得頂!! XD 講開講埋, 上星期日走o左落去樓下同d阿伯阿婆阿生阿太一齊睇o左一個呢d文娛節目, 個個街坊裝真係異常優閒~ 唔使錢有曲賞有歌聽有舞睇, 喂一流啦真係 -v-b ! 哈哈哈哈!

再來睇o下一d語錄, 加強印證:

1. 爸爸耐唔耐就會同我講: "你同婆婆真係好似, 成個鹹占餅咁, 哈哈哈哈"
查實我唔係好知鹹占餅係咩樣, 只知道佢語意係話我矮屎得得, 細細粒粒 =.= 哈哈哈

2. 中一時Thomas話過我: "我覺得你好似o個d被人呃o既阿婆"
我好記得o個時係o係樓下個公園, 同佢同埋中一好friend o個幾個玩緊唔知係咪tum tum轉 XD , 重好似係考試定唔知測驗o個時, 哈哈哈! 但唔知點解無端端會話我似阿婆, 重要係易呃o個隻 =0= 哈哈

3. 西醫同我坐車時話: "呢d位係阿婆坐o架喎"
唔好誤會, 佢唔係真正o個d醫生 XP , 係我泳池返工o個時識o既朋友, 哈哈~ 有日放工同佢一齊坐巴士, 坐o左去下層司機o個邊o既雙座位, 我見佢都坐得好迫硤o下, 哈哈, 因為佢好高, 隻腳好長, 佢話平時多數坐上層, 我話平時我都係坐開呢d位o架, 跟住佢就咁講喇 =3= 哈哈哈

4. 某次我同某人講開我去銀行, 佢就話我: "去排櫃位[手羅]錢完全係阿婆o既所為囉"
我好記得我應佢: 我鍾意做阿婆呀, 吹咩 XD , 重話排隊可以訓練我o既耐性, 哈哈哈哈哈~~ o個次好似係講開我出o左糧想去過數同提款, 我烏龍地無睇清楚d o野, 佢話有得check返o架嗎, 我話有呀, 我簽完名先發覺 =v=" 佢知道我原來係去排櫃位之後就咁講 -3- 哈哈哈哈

話時話呀, 乜個個話我似阿婆o既都係男o既 -0- ~ 哈哈哈哈~ 唔通我真係唔使旨意有人要 u.u ? XDDD 哈哈哈哈~~

我暫時係諗到咁多, 再有o既話可能會加落回應度 =v= ~ 從以上應該都可以搵到一d我似阿婆o既蛛絲馬跡, 但係我係一個無聊人就唔使審啦, 打得出d咁o既o野喎你話係咪先 XDDDDD 哇哈哈哈哈哈哈哈!!

再來一次?

cwscws14@yahoo.com.hk (易山今) — Sat, 16 May 2009 04:11:00 +0000

哇哈哈, 沒有更新網誌快要兩個月了, 現在考完試了, =v= 打網誌之火看來將會重燃 (希望吧 ;p), 哈哈哈哈!

試後這個星期四晚, 相約了共十位小學同學出來閒聚一下. 有幾位真的好些年沒見了, 當中有的變化不大, 有的我相信如果偶然在街上碰到的話, 會認不出來, 哈哈哈. 晚飯期間大家都興高采烈地咀嚼著當年的往事, 誰跟誰的 "豐功偉績" 呀, 誰跟誰耐人尋味的關係呀, 某老師跟某校長的惹笑秘聞呀...... 大家都滔滔不絕, 哈哈哈. 還真佩服他們記憶這麼猶新呢! 我就很多印象都好模糊了 -v- ". 說著說著還討論到這個暑假辦些甚麼活動再聚聚, 哈哈哈, 想不到今天就收到這個棒極了的不知是認真的抑或是玩笑的了, 哈哈哈哈.

因一些同學怕趕不上尾班港鐵列車, 大家談到約午夜十二時許便分別了. 男同學都很有風度, 護送女同學歸家, 哈哈. 其實我覺得很多男士都風度翩翩呀, 起碼我接觸過的都是, 有時真會替他們被冠上 "沒風度" 一詞而感到有點不值啊. 回到家裡後, 上網和一位同學一起爬了一會鍵盤, 他說今天過的真開心呢, 語氣滿帶唏噓的, 無憂無慮的日子可一不可再嗎?

接著星期五就即興的約了阿金金出來午飯及看戲, 哈哈. 食肆午市還真人頭湧湧呢, 員工忙過不停! 悠閑地看著別人忙碌, 也頗有趣的, 還會不會有點殘忍呢? 哈哈. 我點了一大碟炒飯, 慢慢一口一口的把所有送進肚子裡, 阿金金於是說我推翻了快快吃才會吃得多這個理論 -v- , 哈哈哈哈! 其實我不容許一丁點吃的留下, 除了不想浪費外, 還帶點逞強的心理的 ;p , 哈哈哈.

肚滿腸肥後, 便到旺角去看 <青春高校: 回到17歲> . 不說也差點忘了, 哈哈, 原來我17歲已經是兩年前的事了. 戲又是我沒看過簡介而選看的, 沒怎麼預期過, 但真不錯呢! 又幾好笑的 :D . 而且男主角帥得很呀 *v* ! 哈哈哈哈!

17歲的肉身, 配以他那番深情的說話, 真的好吸引 >0< ! 實在不難理解為何堂上的女同學看著他都雙眼發亮, 哈哈哈哈! 他說愛不是一時的歡愉, 是要將之延續到下一代, 當你手中抱著你的兒女時, 感受到他們那微薄的呼吸, 那脆弱的心跳, 就會明白得到...... 意思大概是這樣吧. 我之前也有聽過一些母親說, 育有兒女後, 就會明白自己為何而生, 找到生存的意義. 男生也有這個想法好像比較少見, 特別是年輕一點的? 所以我會對那些喜歡小朋友的男生特別有好感的, 縱然他們可能其實沒有這個想法, 哈哈哈. 其實我亦蠻期待日後我會成為一個媽媽呢, 哈哈. 哎呀我又離題萬丈了, 哈哈, 不過我就是喜歡借題發揮的 =v= , 呵呵. 還有, 男主角在法庭上向那時即將要跟他離婚的老婆宣讀的那封 "信" : 那最美的景象他不會忘記, 如果真的愛一個人的話, 要學會放手.

最後又來到跟當年一樣的情景了, 男主角之前認為, 如果那場籃球比賽打得順利的話, 他的前途將無可限量, 不會像如今的潦倒. 結果? 他還是作出了同一個選擇-- 放棄比賽, 捉緊眼前人. 假如可以再來一次? 即使兜兜轉轉, 那時的決定也會同樣, 實在不需要埋怨, 也不需要後悔, 只要相信, 那個, 就是最好的抉擇.

希望, 這些, 我都會記住.

矛盾

cwscws14@yahoo.com.hk (易山今) — Tue, 31 Mar 2009 18:04:00 +0000

某些時候, 即使自己心裡有數, 亦會想對某事物作出一個確實或肯定.

是想證明自己眼光獨到? 抑或其實自己根本對該事物, 甚至自己, 都沒信心? 如那個確證會為自己帶來良好的感覺, 毫無疑問應該去查證一下吧; 但為甚麼縱然那帶來的是壞情緒, 自己仍會急不及待的去揭開謎底? 希望會就這樣幻滅的啊.

究竟我想從中得到甚麼呢? 逐漸步向真相那讓人屏住呼吸的快感? 還是在觀察,推敲過程中一絲不苟所得到的滿足感, 甚或是虛榮心?

啊, 天曉得呢. 哈哈.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

近來 (都不近了, 哈哈) 的網誌都是在深夜打的, 又牽著一連串的問號...... 靜裡的動, 總教人迷戀. 哈哈.

另, 正值愚人節, 未愚人先愚己麼? 哈哈!

代入.感

cwscws14@yahoo.com.hk (易山今) — Sat, 17 Jan 2009 18:12:00 +0000

有朋友曾經跟我說過, 覺得我幾懂得體會別人, 這樣會很容易受到傷害.

是嗎?

我只知道, 我很易墮入情感的深淵.
然而, 的確, 我也嘗過好幾次因想到別人的心思, 境況, 而熱淚盈眶.

因為感同身受嗎?

我只知道, 那些 "別人" 對我來說, 好重要.

再戰木糠布甸!

cwscws14@yahoo.com.hk (易山今) — Wed, 07 Jan 2009 16:35:00 +0000

唔好意思, 我依然係咁鍾意練精學懶同好囂屎咁去改人食譜o既 XP, 哈哈哈哈哈哈!!

我見一包馬利餅咁多排, 整一次實用唔晒, 亦諗到除o左我之外都無乜人會咁神心食晒剩返落黎o個d佢o架喇, 於是就買o左另一種細包d o既餅仔o黎代替 =v=~ 哇哈哈哈哈哈~~

要整之前o個晚, 我發覺原來屋企支o即o即裝原味煉奶得返好少, 咁就諗住作戰之日落去樓下補充彈藥啦, 誰不知是日周遭之軍火庫竟然同時缺貨! 噢, 難道此處有數百士兵不約而同地挑戰此等布甸?! 呀哈哈哈哈!! 本大姐 (喂, 久違了的自稱 -v-) 見勢唯有立時改變主意, 選購別的裝備好了, 哈哈~

呢個咁特別o既盅係爸爸唔知幾時買返來用o黎舂佢d唔知咩調味料o既, 再下挑戰書之前我就覺得o岩晒喇 A_A, 正好畀我用o黎應付此布甸, 哈哈!

今次打忌廉打就打得起喇, 不過唔知係咪打得起過頭添 ;p, 哈哈~ (手忙腳亂呀, 又打到手都軟, 唔得閒影相呀, 哈哈)

好喇好喇, 係時候做好心理準備睇o下個布甸被我搞成咩樣喇, 賣相仍然係十分唔討好o架! 哈哈哈哈哈哈哈!

[呢d膠杯好似係之前暑假時同一大棚靚仔同事去燒o野食時用剩o既, 咁貪小便宜o既我見到d孤兒仔咁慘梗係o拿o拿聲帶佢o地返屋企啦 (佢o地重有同伴o架 =v=)! 哈哈哈哈!]

估唔到整到4杯咁多喎 @o@ !

喂幾好食喎又 XD ! 哈哈哈~~ 陳肥肉都係咁講o架, 唔係我賣花讚花香o架 =v=~~ 不過食完真係幾滯o下 =0=, 哈哈! 下次如果再整o既話呢, 我諗壓一壓每一層o既餅碎可能會好d, 唔使咁散修修呀嘛~ ;)

呀~ 話時話, 好似唔覺支朱古力味煉奶發揮o左佢o既威力o既 =~= ?? 哈哈哈哈!

欲語還休

cwscws14@yahoo.com.hk (易山今) — Tue, 30 Dec 2008 16:24:00 +0000

凌亂的思緒又纏繞著我.

想表達嗎? 又不知該從何說起.
把它們一一吞進肚子裡? 又心有不甘.
於是, 文字就這樣被拖拖拉拉的, 漸漸地給磨擦去.

怪只怪我總愛尋找一些隱晦的字句代言, 直截了當的, 還是藏起來較好吧.

重疊中秋~

cwscws14@yahoo.com.hk (易山今) — Sat, 13 Sep 2008 18:05:00 +0000

同一天有著兩個日子的快樂, 唔~

是日行程緊湊!

cwscws14@yahoo.com.hk (易山今) — Wed, 18 Jun 2008 04:08:00 +0000

6月15號呢一日, 我真係節目精彩, 行程緊湊, 一套衫直踩三場呀! 哈哈哈哈哈!
簡單o黎講, 我係帶住d蝦餃燒賣去見阿邦, 然後又帶住阿邦去一個話就話唔隆重, 但係其實就個個化晒妝又低胸裝o既晚宴. (為方便起見, 我又繼續我o既口語網誌 ;p)

首先講下朝早.

一早起身 (須知道我覺得早o既時候其實都ok晏o架喇, 哈哈) 就要著好事前煩擾o左我好耐, 先問阿金金借得成o既黑色吊帶裙, 去香港仔珍寶同公公飲父親節茶~
不過熟我o既人都知我係絕對唔慣著到咁暴露o架喇 (其實只係我呢個ok保守o既人先咁覺得o架o者 =v="), 呀哈哈哈, 所以我當然就係會加返件外套啦~ 同埋著返中五grad. din. o個對鞋. 不過咁樣行出街我都覺得好唔自然! 大舅母都問我o個日做乜咁靚 = =", 哈哈!

飲茶真係間唔中好喇, d o野好鬼油膩, 食少少我都滯o左, 個肚都夠撐到去見完阿邦添喎!

之後點零鐘就即刻飛出中環Backstage睇阿邦o既TVB音樂台節目 "Live House" 錄影!

哇! d時間好 "文" ! 差兩分鐘就遲過約定個時間! 著住套咁o既o野, 加埋對窄o左d o既鞋, 哈, 我係咩慘況可想而知! 熱死我! 汗如雨下! 不過我去到o個時都唔係咁多人等緊咋喎~

等o既期間, 有意外驚喜! 哈哈哈哈~ 我見到後面排緊隊d人堆晒出o黎, 聽到d人話見到某某明星喎, 咁我就跟住探頭去八卦下啦~ 哇! 真係喎~ *3* 係被譽為擁有殺死人o既憂鬱眼神o既影帝-- 梁朝偉!! 哈哈哈哈~ 佢自己一個駛住架黑色 (應該係七人?!) 車o係威靈頓街經過! 好彩我同佢未有眼神接觸o者, 哈哈, 唔係一陣間被佢電完再被阿邦電我咪好弊, 呀哈哈哈哈!!!

上到去坐低, 我真係唔慌唔電喇 =_=", 坐o左o係兩對情侶o既中間, 我呢個電燈膽通晒電, 左邊卿卿我我o既同時, 右邊就甜言蜜語... 不過其實佢o地真係幾sweet o既, 哈哈~
重有就係, 我部相機又神o左, 全日一張相都影唔到 T_T ! 佢係咁叫我format張卡, 但係format o左幾廿次都唔得; 之後又話無電, 我明明charge足晒電o架嘛! 次次去見親阿邦佢都硬係有d問題o既 =3= !!! 唔通連佢見到阿邦都怕醜?! 阿邦真係好o野, 哈哈哈哈!!!

於是我唔理喇, 專心睇阿邦好過!
由於呢個係兩集節目錄影o既關係, 主持人Cyrus事先都表明d次序係會亂亂地, 聽到話o黎到尾聲千祈唔好走住呀, 阿邦都話大家唔好以為佢思覺失調又大家好又再見咁呀, 係節目所需咋, 哈哈哈哈哈!

阿邦唱o左d咩歌我唔詳細講喇, 因為有人已經記低晒 =v=~ 我都係偷下懶 ;p , 哈哈哈哈!! (其實係我d記憶亂晒龍, 費事獻醜啦~) 咁我就講下歌與歌之間d趣事啦 ^(+++)^ ~

阿邦唱 <<身體健康>> 之前, Cyrus話好多人都覺得呢首歌幾感動o架, 問阿邦其實呢首歌係點o黎o架呢? 阿邦就話, 其實佢寫呢首歌係想好似d "恭喜發財" 呀咁, 可以時不時都拎出o黎唱下咁o架咋, 大家唔好咁美化首歌呀~ 哈哈哈哈哈!
講真, 我真係覺得呢首歌好感動o架! 咁就等我得閒就拎出來感動下啦~~

跟住唔知邊段時間Cyrus又同阿邦傾到話阿邦之前去o左New York上vocal lessons, 舊地重遊有咩感受? 阿邦覺得o個度d人友善返好多, 之前佢去到o個度係唔敢一個人出街o架. Cyrus又話其實阿邦都去過幾多唔同o既地方留學o架喎, 例如日本咁, 呢d又對佢o既音樂喜好有無影響呢? 原來阿邦之前唔係咁鍾意聽日文歌o架喎~ 不過之後佢就幾鍾意d日本舊歌, 推介山口百惠咁話喎~ 哈哈哈哈!

Cyrus (又或者TVB o既資料搜集員) 真係幾好o野, 起晒阿邦個底咁滯, 哈哈哈哈, 阿邦都話佢真係幾清楚佢o既事跡喎! 原來阿邦係放棄o左唔讀film school而去唱歌o架喎! 我都未聽過喎! 要不然阿邦而家就可能係一個導演仔, 哈哈哈! Cyrus又問咁唔知阿邦會唔會想試下做演員拍下戲咁呢? "我反而想試下做編劇喎!" , 阿邦話咁就會被人覺得 "咦, 原來藍奕邦重會寫劇本o架喎" ~ 哈哈哈~ Cyrus話其實TVB都想要呢類人才, 想試下o既可以向有關方面單聲o架~ 哈哈哈!!

然後就大概差唔多係嘉賓出場喇~ 哈哈! 阿邦話: "要多謝王菀之同埋劉浩龍! 重有Ivana同師兄o既fans! 要你o地忍耐我o既歌聲!" 唔知師兄定Ivana o既fans回應: "唔係呀! 好聽呀!"

Ivana真係好鬼死可愛呀 >3< ! so cute!! 佢同阿邦走埋一齊真係好正! 哈哈哈哈哈~ 佢o地成日都好爆笑!
阿邦話跟住落o黎會同Ivana合唱o個首英文歌, 應該將會係佢o地o既飲歌! 哈哈! Ivana話佢之前都未聽過首歌o架, 聽完之後好鍾意, 同埋介紹大家睇下個mv~ 阿邦同Ivana對個mv o既形容, 令到全場都大笑, 阿邦都笑到彎晒腰!! 哈哈哈哈哈!!! Ivana見阿邦都笑到收唔到聲, 就同阿邦講喇: "做咩喎... 人o地好認真咁介紹緊o架!"佢o地真係超正!! 哈哈哈哈~~

Cyrus講得o岩, Ivana真係好卡通, 哈哈哈~ 好得意呀 >v< ~~ 每見佢一次佢就可愛o左一d o架喇, 哈哈哈~~ (我咁樣講好似我見過Ivana好多次咁 =v="... 其實我只係見過佢真人兩次o架咋, 哈哈! 上一次咪就係兩年前, 又係阿邦o係音樂台錄影, <<為音樂喝采>> o個次囉, 哈哈哈~)

然後就到Ivana獨唱o既時間喇. o係d工作人員set緊o野o既時候, Ivana話不如等佢打鼓畀大家聽下咯~ 不過話轉頭, 佢就話呢d梗係留返佢9月o既個人音樂會先做啦, 哈哈哈哈! 佢重同前排d觀眾講: "我真係識打o架~" 哈哈哈哈~ 好搞笑~

好喇, 輪到師兄出場喇~
師兄要同阿邦合唱o既o個首歌, 其實係阿邦之前係一個電台節目於限時內即席為佢寫o既. 之後師兄有意將呢首歌完成, 就約o左阿邦出o黎盡訴心中情, 佢o地就咁慢慢成為o左可以傾心事o既老友喇~
師兄話佢次次唱呢首歌都好感觸, 阿邦就話: "首歌講緊你o架咋, 唔關我事o架~", 師兄回應: "咁好啦, 你唔好唱喇~" 佢o地唔係老友鬼鬼邊可以咁講笑, 哈哈哈哈!

相信大家都知道阿邦同過唔少天皇級歌手合作, 阿邦覺得佢o係劉德華先生身上學到最多o野, 劉華令佢知道乜o野係專業; 亦令阿邦覺得要寫返好手字, 阿邦話華仔d硬筆字都寫到好似毛筆字一樣o架, 哈哈!

o黎到接近尾聲, 阿邦唱o左首佢幾鍾意o既英文歌, 內容帶出o左呢個問題: 究竟係我o地去等呢個世界改變, 還是我o地去改變呢個世界呢?

係講咁多喇, 哈哈. 有興趣o既可以去呢度睇埋當日o既相, video同一d逸事: http://singleforum.freeforum.hk/thread-4619-1-1.html (如果你真係由頭睇到尾, 睇到呢度先發覺原來有條link有咁多好o野睇o既, 係咪覺得好搵笨呢 =v=, 呀哈哈哈哈哈哈!!)

錄埋d預告, 呢日o既錄影就差唔多完嚕... 哇, 睇睇錶, 六點差唔多搭四, 再唔走grad din o個邊肯定遲好多! 無計o架嘛, 阿邦同grad din比, 你話邊樣重要! 哈哈哈哈!!

好彩o係佐敦grad din間cafe唔難搵o者, 不過上到去見到d人o既打扮真係令我 o_o ! 大佬, 去cafe咋喎, 之前重話唔使好似F.5咁隆重添...

不過靚o既又真係靚爆鏡o既! 血氣方剛又年少氣盛o既少男見到真係會把持唔住口水鼻血一齊流! 哈哈哈哈哈哈哈!!!
我好鍾意阿pei o既裝束呀!! 因為, 我愛懷舊 >3< ! 好靚好有韻味! 唔知我咁著會點呢 =v=? (千萬不要嘗試想像, 哈哈)

o野食種類真係唔多, 份量都係, 係我最尾食o左成大碟沙律先覺得飽咋! 哈哈哈~ 食完o野真係無o野好做, 唔係影相, 就係各有各玩. 我部相機呢日壞o左, 正好讓我知道, 我o係呢班人入面, 係一個咩位置.

o個日去o既老師夾埋校長一眼睇晒, 得6個! 一位同學o既呢句好o岩: 謝師宴o既主角o係現今絕對唔會係老師...

最後整幅我o地班o既grad din大合照啦, 哈哈!

(唔該阿昌張相) (我發覺原來我o係呢張相都幾突出 =.=")

糕~ 糕~ 糕~

cwscws14@yahoo.com.hk (易山今) — Fri, 06 Jun 2008 09:18:00 +0000

14/5 三劍俠! (唔知點解覺得呢個名幾配合佢o地, 哈哈)

哈哈哈, 呢個既唔係糕又唔係點, 亦當然絕對唔係我整o架啦, 哈哈! 不過呢幾支DrinkaZine飲料雜誌o既中國茶, 係我買材料用o黎去廚房搞亂檔o個時見到, 一拼買埋o既~

我覺得呢個牌子幾特別! 佢o既包裝印有不同類型o既文章, 又有一d名人名句, 品茗之餘也可細味一下唔同作者o既見解-- 唔~ 簡直係多重享受呀! 之前飲過佢o既麥茶, 味道幾特別, 有d似咖啡混茶, 哈哈~

今次見到佢出中國茶於是又買來試下~ 其實主要係想試下碧螺春o既味道! 重記唔記得前會考中文課文o既 <<竹林深處人家>> ? 嚐一口碧螺春, 仿如置身於鄉土氣派與青春氣息滿溢o既竹鄉, 其芳香撲鼻令人精神為之一振! 認真唔錯! (不過會唔會被人話: 要試真碧螺春o既味道就唔應該買現成o架啦! 要沖泡o個d先得o架嘛! 又係呢個原因: 我懶呀嘛! 哈哈哈哈哈~)

我好鍾意佢個包裝上o既中國風圖案! 重有佢包裝o既用色! 睇得出佢係用心良苦o既! 同d茶色真係好襯! 重有佢o個句幽你一默o既警告: 此飲料多喝有益, 哈哈! 得閒可以上佢個blog睇睇: blog.drinkazine.com, 亦都不妨買支o黎試下! 我上次去惠康睇佢重做緊特價, 唔使$5一支!

--講開價錢我又有d o野想講! 其實我買呢幾支o個時佢無減價o架! 好唔抵呀! u_u 之後我次次上去佢都減緊價!
重有, 去得多惠康我就發覺佢d o野真係差唔多係超市之中最平! 可惜我覺得佢唔係咁識宣傳, 電視廣告成日都唔賣下佢自己d特惠牌呀同首選牌o既超抵價, 只係賣o個d有牌子o既, 點吸引到好似我呢d只向價錢看o既人呀! (哈哈哈, 好師奶呀可?) 不過, 我又覺得惠康個品牌形象做得好過百佳, 打人情牌, 幾溫馨, 同埋好貼近我o地o既日常生活!

15/5 有機砵仔糕!

唔錯o架喂! 哈哈~ 雖然係有d失敗, 蒸o左好耐都重水汪汪, 又好軟稔稔咁, 但係倒o左d水, 攤o左一陣, 佢又實返喎 *o* ! 哈哈!

媽咪話我第一次整真係唔錯喎~ 重一路食一路同我講: 睇下我食得幾津津有味! 哈哈! 陳肥肉都有食呀, 佢話硬o左d (梗係啦, 擺o左咁耐佢先食 =3=), 不過d味就無過甜或淡, 重三扒兩撥就食晒, 哈哈!

20/5 有機紅豆糕!

雖然媽咪話夠爽口, 但係d味淡o左d, d紅豆又被爸爸話唔夠稔 (咁雪過o黎呀嘛 =3=) , 結果... 雪櫃無位擠... 我一晚之間自隊晒! 呀哈哈哈哈!! 你唔食係你唔識欣賞 ;p~~ (又o黎藉口一大個)

見到我以上兩樣都用有機紅豆o黎整, 係咪覺得我好健康呢?! 哈哈! 其實唔算完全係o既! 只係我去惠康買o個時, 行轉角,返轉頭, 就唔見o左最後一包平o既紅豆 =3= ! 焗住買貴o架咋~ 不過, 我係用現金券買o既 =v= , 無相干啦~ 哈哈~

24/5 馬豆糕!

個樣又係核突o左少少呀o下~ 哈哈哈! 個味道就甜o左d, 但係陳肥肉勁食! 日日放學返來都o係雪櫃拎出來食! (雖然唔排除只係o個排無其他佢鍾意食o既零食 ;p) 其實呢樣係爸爸要求整o既, 不過佢最尾好似只係食o左一o舊囉 =0= ! 哈哈哈!

媽咪鍾意食爽口彈牙d o既, 但係我就認為而家食緊o既係糕呀嘛, 咁梗係要稔返少少先似o架嘛, 如果要爽o既不如食o者哩啦~ ;] 呢個馬豆糕係我到目前為止最滿意o既, 同覺得最似糕點o既!

27/5 蒸蛋糕!

我覺得呢樣好神奇! 幾分鐘前重係一灘水, 幾分鐘後就脹o左起身, 成為o左我o既午餐! 哇哈哈哈~ 不過好重麵粉味 =0= ! 我諗下次再整o既話要落多d奶同牛油先得!

呢樣重有一件好搞笑o既事發生o左! 哈哈! 話說我拎出o黎畀陳肥肉試食啦, 佢就問我喇: 呢排做乜整咁多o野食? 整畀o個個 "XXX" 食呀?
我初頭聽唔清楚, 以為個 "XXX" 係 "男朋友" 啦, 之後我問佢頭先講咩話, 原來個 "XXX" 係... 係... 我唔講住! ;p 估下先啦~ 我覺得幾出人意表o架~ 哈哈哈! 同男朋友都幾接近o架 AvA ~~

好喇~ 開估! 係... "藍奕邦" !! 呀哈哈哈哈哈哈!!! 我唔知點解佢會咁覺得囉 ?_? ~ 哈哈哈! 我連同阿邦影張相都已經勁緊張, 講句o野又已經騰晒雞, 邊有可能送o野畀佢喎~~ 唔通我迷阿邦瘋狂到出晒樣 *_* !? 哈哈哈哈哈哈!!!

3/6 千層芝麻糕! (其實係得四層o架o者 ;ppp~)

<-- 有一層落o左我個肚 ;d ~

呢樣係媽咪話想食o既~ 但係之前一路都唔知個食譜話o既即食芝麻粉係咩, 跟住諗諗下, 可能係即溶芝麻糊o個d粉喎! 於是就買o左o黎整喇!

媽咪覺得呢樣係我整o左咁多樣以o黎, 最似出面買到o個d, 同最好味o既! 哈哈哈哈哈~~ 但係我就嫌唔夠香喎!
之後放o左入雪櫃, 搞到硬晒, 又無晒d香味咁滯, 我又要獨個兒享受o既 "傑作" ... =3=

不過! 今次發覺蒸返熱佢就稔返, 香味都解鎖返! --又係喎, 用粘米粉o黎整o架嘛, 話明係米, 凍o左梗係硬, 熱先會香軟o架嘛!

點解我咁情迷中式糕點? 唔~ 或者係覺得唔多人整, 同特別d啦! 重有就係, 我有材料o係度呀嘛, 整o左一次實用唔晒o架~ 一物多用, 就物盡其用呀嘛! 哈哈哈哈哈哈!

好喇, 最後送上一首歌, 哈哈~

(如果你有睇開我個blog o既話, 呢排有無被我誤導o左, 諗o左去隔籬先? 呀哈哈哈哈哈哈哈哈哈哈哈!!!)

「安撫你身　交叉身份」

cwscws14@yahoo.com.hk (易山今) — Thu, 29 May 2008 16:44:00 +0000

有時候覺得，我會把自己有意無意地營造成另一個人。這個營造出來的我，幾惹我憐愛…… 又幾討我歡喜，哈哈。

這種心理有趣之餘，亦有一點點變態，哈。

街坊舞台

cwscws14@yahoo.com.hk (易山今) — Sat, 24 May 2008 15:16:00 +0000

我家樓下的羅馬廣場，不時就會有些綜藝表演、攤位遊戲或小型展覽等活動，讓一眾街坊輕輕鬆鬆地欣賞或享樂一下。而昨晚的，就是一個民族舞蹈表演。

晚飯消化的同時，大家都全神貫注，也消化消化一下有關的民族特色，哈哈。

那我為甚麼不直接下去，佔據一個更有利的位置好好細賞呢？我懶囉，哈哈！

我覺得這幀照片很有趣！樹木好像都不欲錯過那精彩的舞蹈，連忙探過頭來看個究竟，還跟著輕快的音符翩翩起舞，把舞蹈員也遮擋著了，哈哈，不過這卻為舞蹈員添了一份神秘感呢。

飄逸。

男女老少傷健共融。

比起會堂、劇院，我更喜歡這樣於戶外席地而坐的欣賞表演。或許，華麗，對我這個街坊而言，有時也是一種壓迫吧，哈哈。又或許，我對這個街坊舞台情有獨鍾，是因為我曾經在這裡看過一支最美的舞──一支動人動心的輪椅舞。

「注定要用黑色填寫的」

cwscws14@yahoo.com.hk (易山今) — Mon, 19 May 2008 06:46:00 +0000

（Google圖片）

「今天，距唐山大地震發生32年之後，它來了。四川8級大地震造成破壞的面積高達10萬平方公里，是唐山地震2.6萬平方公里的近4倍，死亡人數尚未確切統計。它發生在群山深壑，實際上是由一個強烈地震、多個強餘震和廣袤地域的山體滑坡、泥石流等嚴重地質災害疊加的巨災。考慮到30多年來社會經濟的發展，人民財富的增長，重建的成本，直接和間接經濟損失會達天文數字。它無疑將成為21世紀人類的一次重大歷史事件。

面對困境，我們別無選擇。對大自然的脈動與無常，作為它的子民——人類，我們唯一能做的是全然接受。它是學習，是課程，讓我們學習愛、無奈、悲傷，學習直接面對自己、他人、社會，以及整個自然與宇宙；是更新，除了被眦掉的物質，還有我們的心理與精神。它是人類成長躲不開的大考。它以特別的方式，揭去所有的遮蔽、文飾，裸露出一切真實。它讓我們看到自己的真相，美，又那麼脆弱；它檢測出我們今天真實的社會形態﹕高度、重量，以及品質。」

節錄自《從唐山到汶川》錢鋼（《唐山大地震》作者）

三分鐘，足以摧毀任何人與事，卻未足夠讓人深思生存的意義。三分鐘，原來，太短，也太長。

今天（五月十九日）下午二時二十八分，那自發參與默哀的汽車響號聲，教人感動。

去年讀過《唐山大地震》，當中我感到最深刻與震撼的，是那讓人心痛的無辜受難的小孩；是人們之間那無私互助互愛的偉大精神；是那絕境中掙扎求存的強烈意志──那刻我有這樣的疑問：假如遇難的是我，我會像他們一樣，勇於跨過難關、堅持到底嗎？

現在，我會給一個肯定的答案。
能活的，就要好好活下去。

同胞們，振作！保重！堅持！加油！