半日記．半逸記

(今次特別用藍色,襯返阿邦:])

2006年8月17日,我一輩子也會記得這一天!

興奮又興奮,期待又期待......今天終於到啦!!!--阿金金及細細man與我一起到將軍澳電視城去"為音樂喝采",阿邦的mini concert!!!
(讓無聊的我scan那張票上來給大家看看:)
丫!!!!!!超開心超興奮丫!!!內心簡直洶湧澎湃,血脈沸騰丫!!!!!!!
想都沒想過能與您有近距離接觸!!真係不枉此生呀!!!簡直係一種奢侈!!!覺得好幸福呀!!!! \ >V< / 阿金金和我乘地鐵到調景嶺A出口會細細man(途中見到她的某某人!哈哈哈...).
極不容易才與一班fans"相認".
十來分鐘的穿梭車程變得如此漫長......心裡百般的焦急!!何時才能與您相會...?
途中見到成坐山咁高一堆堆o既道具.可想而知電視城有幾大!工作人員有幾多!

下車了!終於可以進場了!!!
我們的那個廠不算大--豈不是很好麼?與阿邦的距離又再拉近!!
實而不華的舞台設計(其實都算幾靚o架),簡簡單單的band setting,當然少不了阿邦的招牌鋼琴(左)與keyboard(右).

原本"高高在上"的我收到突如其來的指令--坐到台下!!!請注意:那裡與舞台距離不夠一米!!!!!!!!!!(炫耀一番~~哈哈哈哈哈哈哈!!!)我當然立即飛奔下去!!!!真的很近!!!!發夢都估唔到!!!!丫!!!太開心喇!!!!!癲喇癲喇!!!!開心死呀!!! \^O^/

真係世估唔到,第一樣要做o既o野係:觀眾一齊做一個拍掌歡呼反應的鏡頭...= ="

阿邦,真人靚過上鏡!!啡色長長地又有少少攣攣地o既頭髮!!真係靚仔到你丫...!!哈哈哈!仲好高添!!全晚有2套衫!有3位嘉賓!
第1套係官仔骨骨o既:閃片圖案T-shirt+1條項鍊+pale green橫紋西裝型外套+破了3個洞(<--細細man說的)的牛仔褲!靚仔到爆!!! >3< 第2套係咩?陣間話你知,哈哈!
嘉賓呢?都賣個關子先,睇落去啦^^

阿邦第1首唱o既歌,係佢出道前的《願》!但係工作人員就唔知有咩問題話要再來過,阿邦聽唔清楚佢o地講乜,"maag"大個口得個窿,充滿疑惑o既神情真係好可愛!!!!!丫~~~可愛爆!!fans們都在笑呢~~
之後係人們第1首因而認識佢o既歌,《熱帶魚》!!他在換氣的瞬間,同時將遊走在鋼琴鍵上的手換至keyboard上!!勁正!!

第3首係《無非想快樂》的代表作--《世界這樣大》!!
眾人一起拍掌,打著節奏.^o^

之後就係游思行為阿邦填詞o既《爸爸今天不歸家》,阿邦話:入面有d平時情歌聽唔到o既o野.

接著,第1個嘉賓出場了!他就是和阿邦於幕前(舞台劇時)合作過跳舞(笑)的陳浩峰!哈哈哈...他的樣子果真鬼馬!好搞笑!
他們合唱o左幾首英文歌,某首其中有一句"get down on my knees and pray",阿邦真係o係我面前get down on his knees!!哇......!!!我真係受唔起呀!!!真係有衝動想上前去扶佢起身!!!

隨後,陳浩峰唱o左首佢搞o既《香港輓歌》(係佢舞台劇o既主題曲),阿邦鋼琴伴奏!
首歌係類似古巨基o既《勁歌金曲》咁,將好多hit歌串聯埋一齊,但係就當然串聯得好過《勁》多多聲啦!!!每首歌d歌詞接落去下一首真係順暢無比!!仲好搞鬼抵死添,哈哈!!正呀!(不過成日"做隻貓做隻狗"...哈哈!) \ >u< / 連我側邊的兩位"搭檯"女仕都覺好!拍爛手掌!

第2位嘉賓是時候出場了--徐繼宗!
阿邦和他卡啦卡啦地互唱對方的作品!阿邦彈琴,佢彈結他.
(阿邦先開始)《17歲》(*我的震音　假音　都早已太熟練*阿邦真係模仿劉華的震音假音!!哈哈哈哈哈哈!!*喜歡我　別遮臉　任由途人發現*當然啦!!我為阿邦自豪呀!!)→《身體健康》→《心淡》→《豬先生》(我較想聽聽阿邦的版本啊... >< 相信會好"lum"*w*)→《累鬥累》(rock爆!!)
中間徐繼宗有人要幫佢梳頭,跟住阿邦就話:佢好靚仔o架!大家話係唔係?(少數聲音回應:係)
徐繼宗:話我靚仔o既拍手!(無乜人拍)阿邦係咪好靚仔?(眾人:係!!!)
阿邦:算啦,你點都係唔夠我靚仔o架喇!哈哈哈哈...<--阿邦超可愛丫>V< 好得意!!
阿邦笑起來(要笑到露齒o個隻喎)像個大孩子,好得意丫!!!!!可愛到爆!! >333<

去下一part前出現o左唔知咩問題,擾攘了一段時間.
依我記得(因為成晚太興奮喇,思緒開始有d混亂,請問有無可以重組我memory o既程式啊?!?!?),阿邦應該就係呢段時間換衫!
換了一身rock look的阿邦,型到爆燈!!!哇~好正呀!!!流晒口水!!!白色背心+3條項鍊+灰色rock爆外套+綠色軍人褲<--唔識形容呀...唔知係咪咁叫!條褲就好似迷彩o個d褲o既類型!

o個時阿金金見到鼓手隔籬係咁有煙噴出來,跟住又見到淨係個鼓手前面有透明塊板擋住,將d煙焗住晒係o個個位,真係焗死佢!笑到我癲咁滯!!!哈哈哈哈哈哈哈哈哈哈哈哈哈...!!!面容扭曲+肚痛!!哈哈哈哈哈!!搞到成圍人望住晒我...--"

王菀之就係我o地o既第3位嘉賓!
佢好可愛呀!成個細路女咁!我之前聽佢把聲都覺得o架喇!不過平時見佢又好文靜咁...不過原來佢真係咁活潑可愛o既 ~^^~
今晚佢仲著得好靚!穿了對超高跟鞋!搞到佢唔知點坐好...佢話坐唔好發唔到氣唱歌喎!哈哈!仲有仲有,佢話個地下好跣,仲問陣間如果跳舞跌低有無得NG(佢試跳幾下,都見佢真係幾跣!),惹來全場大笑!
阿邦同佢惺惺相惜,雞"deung"唔斷,工作人員打圈示意佢o地講快d都唔知...哈哈哈!好搞笑~
如果佢唔係同張敬軒o既話,其實同阿邦都幾襯o架!不過阿邦之前話過唔會同行內人拍拖...不過佢o地做好朋友都幾好呀! ;]
佢o地唱返大家最喜愛對方的一首歌曲!!
王菀之唱o左唯一完整女版o既《快樂王子》,阿邦鋼琴伴奏!!聽出耳油呀!
而阿邦呢,就唱《手望》,位置對調,輪到Ivana鋼琴伴奏!!
咁邊個唱得好d先?身為阿邦o既瘋狂fans,個答案理所當然就梗係阿邦啦!!(Ivana o既fans唔好打我呀><",佢都唱得超正!不過你知啦,人個心係偏家嘛!!哈哈哈哈哈哈哈哈哈!!!)
第一次見到又唱又跳的Ivana!哈哈哈哈,《詩情》o岩晒佢可愛的性格!"喵喵~"

Next,阿邦&陳浩峰&徐繼宗3個大男孩一起唱哥哥80年代的經典快歌!!
佢o地又唱又跳,阿邦跳舞好正好型丫!!!!!!!!!!!!!!!!!陳浩鋒&徐繼宗d和音又超搞笑喎!!加上佢o地趣怪鬼馬的神情,哈哈,一絕呀!

大跳一輪後,阿邦身水身汗,落台除o左件外套,展現出佢強勁o既臂彎!!!!哇.......真係好正呀!!想流鼻血咁滯!!注意:阿邦就坐在我的斜後邊!!距離近到爆炸!!!!!!!
工作人員幫佢抹汗時唔小心黐o左一小塊紙巾o係佢面上,但係唔知點解我覺得阿邦咁好得意呀\ >333333333333333< /!!!!!!!!!!

之後呢,阿邦就送o左2首新歌俾我o地!!!!分別係《善忘》及《蓬萊》!!!

前者係由阿邦其中一位最欣賞的填詞人,Wyman,為佢填o既!
阿邦有一段預先諗好的說話以作介紹,但係有d唔記得o左,所以就"lur" o左講唔好(但係佢o個時超得意!!好可愛呀...!!!!!!!),好大力地"dum"左地一下(力的表現!!哈哈哈哈哈!!我覺得好型喎!!!!!)所以就NG再來過!
"呢首歌o既歌名對於某d人來講可能係優點,可能係缺點.o係我唱o既同時大家可以慢慢諗o下."
而阿邦唱o個時又唔係好記得歌詞,所以都係要take 2!阿邦話佢唱唔好,Wyman會打死佢o架...邊個敢打阿邦! \_/ 我十倍還擊!!!!!!!!!!!!
我諗阿邦太緊張喇,要現場唱,又係佢咁欣賞o既人填俾佢o既,有少許緊張出錯在所難免,無問題o架!知無?!同埋,唔緊要o架喎~我當encore之嘛~哈哈哈哈哈哈!!!有著數!! ;p
呢首歌的歌詞真係幾正!!!!唔知官網會唔會post出來呢??好想再回味呀!!

後者就係一首阿邦前所未有o既跳舞快歌!!個beat真係好輕快!!我的靈魂在隨著節奏輕快舞動!!(你知啦,我呢d扮晒矜持家嘛,哈哈哈哈哈哈...)
阿邦都有跳下舞o架!型到爆炸!!*原來你信有愛你就有愛*~~~
阿金金聽完即刻哼返出來!證明首歌無得彈啦(呢2首歌真係無得彈o架喎,係播music o既,哈哈哈)!!!

眼神接觸,心跳加速!!!!!!阿邦o係呢2 part同我有3~4次輕微的目光相接!!!!心卜卜的跳~初戀感覺回來了~~{雖然可能係目光有誤,稍有偏差地落在我身上...但這些因誤差而發出的眼神電波都足以令我神魂顛倒!!![試想下,如果阿邦真係直接望住我,第日頭條一定係:藍奕邦瘋狂(貌似)小學生女fans疑因興奮過度當場暈倒,不省人事...<--然之後我就可以名正言順咁叫阿邦裝扮到好似"百法百眾"入面o個個醫生look來探我!!hehehehehe...!!奸笑中=V=不過係癡心妄想......]
好幸福呀,好享受o個一刻!!!愛死您喇邦!!!}

差唔多臨尾又唔知搞d乜有段空檔,徐繼宗就係o個時大嗌叫阿邦除衫!!!
阿邦:你又叫我除衫?!(相信藝術節音樂會o個次都係徐繼宗咁講)　你過來攝張10蚊紙落黎(阿邦掀起衫尾)我就除!
徐繼宗:10蚊就可以叫你除衫?!?!
阿邦:係呀...!我好cheap o架咋! (眾人大笑)
徐繼宗:我俾30張10蚊你都得呀!
(其實我心入面都好想佢除o架!!不過我驚我會流鼻血囉......!!>o<)

跟住阿邦又覺得唔好意思,話我地無得返屋企睇"15/16",佢話:你o地放心,好快就得o架喇.
有人就話錄o左,唔使急!
又有男聲大嗌:我o地唔聽唔舒服!!!<--哈哈哈哈哈哈!講得好,講得妙,講得呱呱叫!

之後就公佈由現場觀眾所選出的最喜愛以上的哪個組合--就係 藍奕邦 x 王菀之!<--其實都估到9,10成!哈哈!因為除o左邦fans之外仲有Ivana fans來撐場!

跟住d嘉賓就逐個貼佢o地同阿邦o既合照上去塊板度,Ivana問阿邦同佢影相o個時做乜谷肌肉,阿邦又話Ivana至係(同時模仿佢個pose),佢地真係可愛到無得頂丫!!!!!!!!!!!

最後,阿邦與眾嘉賓來個4人合唱--"You've Got a Friend"!
阿邦唔係太滿意呢take,所以要求再來過!
真係還o左眾fans們encore的心願!!!!萬歲!!又可以留耐d,見多阿邦幾面!!!!!我就係鍾意您呢種樣樣事都力求做到最好的性格!!!^33333333^

整晚觀眾都有和應阿邦跟著拍子拍掌!氣氛甚為良好!!

哎~~~之後歷時約2小時(晚上8時許至10時許)的mini concert真的曲終人散了...!啊......我不依~~我還想多看阿邦幾面!!!!!這麼難得的機會當然要好好把握的嘛!!但那些工作人員"paang"人走o既,我唔制呀T^T

阿邦唱live認真一流!!!!!!我更愛阿邦真情流露!!!!!!!!!其他的都是唱得作得之人!!!阿邦的歌聲整晚在我耳邊回響~~真係繞樑三日呀!!!!!!心情無比興奮暢快!!!
盼能有一天再與您相會!!默默支持著您,直到永遠(<--好鍾意呢個term,哈哈!)......!
好想快d o係音樂台睇返呀!!!!

還有!今次的體驗令我知道剪接師對一個節目來說真的很重要!!將斷斷續續的片段重新串聯一起,節目就可以如斯順暢地展現在電視觀眾眼前!

搭車返去地鐵站時,有人打俾阿金金,問佢o係邊同做緊乜,阿金金就話:o係將軍澳電視城聽藍奕邦音樂會囉,你唔識o架喇...<--雖然唔想聽到佢咁講,但係佢o既語氣超好笑!!!又笑到我肚痛!!!
地鐵返家的旅途中,又有事情令我笑到癲!!!!!!!!!
先係我講o左扁平足為"平底腳"...!!!哈哈哈哈哈哈哈哈哈哈!!!!
後就係阿金金話我幫地鐵賣廣告,但係得佢一個人聽到,無cost喎...!跟住我咪話要我d力氣去講,同埋我聲帶o既震動.阿金金就講:乜你d聲帶會好似一條條咁飛出來o架咩==?好搞笑呀!!!!笑死我喇!!!!哈哈哈哈哈哈哈哈哈哈!!!!那卡車的人又望著我了><
認真失儀呀今晚!!!可能係見到阿邦真人太興奮喇!!!距離又一米都無!!! ;PPPPPP
細細man同阿金金都話未見過我成日都咁開心o架,保持住微笑喎成晚!!阿金金仲話好耐都未見過我笑得咁癲!!哈哈!!+v+
多謝細細man及阿金金!!!"勉為其難"地陪我去看這音樂會!!幸好你們的反應也頗良好 >v<

2006年8月17日,我一輩子也不會忘記這一天!


返到屋企12點都未夠,沖完涼就即刻打日記,但係4點幾都打唔晒-3-今日先再打埋佢咋(仲要唔知點解9點幾就彈o左起身...可能我太掛住篇日記喇,心想快d打埋佢,哈哈哈哈哈,其實係掛住阿邦至真^3^ 因為唔能夠冷靜落o黎的關係,整篇都是口語直述...我*這刻難自控*呀!哈哈哈哈哈...請容許我放肆一下><)!
哈哈哈哈哈哈!!我都未試過打咁長o既日記o架!阿邦為我開創先河!!我真係好榮幸呀!!!!我愛死您喇!!哈哈~

Posted in: 心潮澎湃, 我愛藍邦 on 2006年8月18日星期五 at : 下午2:07