半日記．半逸記

因為網絡問題,加上本大姐要於這假期完結前趕起功課的關係,遲遲都未能動手寫寫關於阿邦12-27在fringe club所舉行的live gig. 現在終於有心情打打這篇網誌了! 呼~
(警告: 請作好心理準備,因為本大姐即將進入瘋癲狀態! 哈哈哈! 那些"d" "o既" "o架" "呢"又準備走出來啦!)

為了再次一睹阿邦現場演唱的風采,本大姐早已於這live gig舉行前的2個多星期買好票! 生怕手腳慢人半拍都無得睇嘛,哈哈哈哈! 重話明係acoustic喎,只有歌者,鋼琴與結他,咁正,唔早d買定點得! 買到o個時幾開心幾興奮幾感動呀!!!

期待o左成個月咁滯,27號終於o黎到喇!!!!! 哈哈哈哈~
o係8點開場前約半個鐘,本大姐已經身處現場守候,簡直心急如焚呀! 可是,當時現場已有約二十位觀眾在等候.
入到場,我只能坐側邊咋,無得正面對住阿邦呀. 無法啦,不設劃位嘛,有得坐已經好好,佢淨係得廿零三十張凳,再遲d要企添...... 再者,場地幾細o下,要容納差唔多成百人,係咁上下啦. 正前方係個台,台上就簡簡單單放著一座鋼琴,一支結他. 後方就係吧檯. 然而擴音設備都ok喎!

比原定時間遲了大概10分鐘,身穿白色衛衣的阿邦在一片歡呼聲中出場了!! 阿邦依然靚仔,重好有活力添! 哈哈哈哈哈哈!! ^3^
他首先唱了兩首分別收錄於自己頭2張專輯中的英文歌: 《無非想快樂》中的《Walking Backwards》及《不要人見人愛》中的《I Don't Think He's Coming》.

在阿邦發行首張專輯之前,他每個星期六也會在fringe club自彈自唱表演. 他笑說那時台前總有一檯鬼佬o係度飲酒,都唔係聽佢唱歌o既,真想抨佢o地走! 哈哈哈哈哈哈哈哈哈!
阿邦擔心這次音樂會會悶親人: "你o地唔怕悶至好啊." 台下:"唔悶呀!" 絕對認同!!! 有阿邦點會悶呢! 何況,我諗o黎得呢個音樂會的都是喜愛他音樂的人,相信家中的CD架早已被阿邦的唱片佔著一定的位置了.
他確定在場的都有聽過他的專輯後,放心又安心的說無需再講解創作靈感諸如此類的東東了. 他知道人們對他的新專輯《潮騷》的評價很兩極化,一係就鍾意到不得了,一係就不禁會問阿邦係咪黐o左線的......哈哈哈哈哈哈哈哈哈哈哈哈哈!!!
阿邦又話,喜歡他音樂的人都很內斂含蓄,哈哈哈哈哈哈~ (我係唔係呢? 表面上係囉! 哈!) 被問及"你鍾意藍奕邦o架?"的時候,大多都只會是微微點頭並答道"嗯."的.
之後,由於當天的原先拍檔-- 師傅+唱片監製李漢金先生因事而缺席, 結他手就交由"臨時拉伕"的徐繼宗擔任,是在個多星期前才邀請他的啊,哈哈. 此時,阿邦問徐繼宗set好結他d o野未,阿邦之所以講咁多o野,都係為o左等佢咋,哈哈哈哈哈哈哈哈哈哈哈!

在結他和鋼琴的伴奏下,阿邦演唱了新專輯中的《盲年》,《烈》,《襪子與鞋》和《巴不得》.
他說,其實這些[潮漲篇]的歌曲也是用鋼琴來創作的,隨後才加上電音粉飾而已. 因此,就o係呢個live gig度用回最簡單的樂器,以原汁原味的方式來演繹.
唔知係咪呢段時間 (記憶極其紊亂,個rundown講真唔係好記得喇;p) 就有電話響,又有d短訊示音 (←其實係sonybmg的工作人員,哈哈),令到阿邦向台下瞪了一眼,問係咪有街去呀,畀10秒我o地熄晒d電話佢,哈哈哈哈哈哈哈哈哈哈哈!

這時候,徐繼宗稍稍下台休息,阿邦就繼續琴音伴著唱:
《善忘》-- 本來是第四首派台歌,但為免它淹沒在一眾年尾作最後衝刺的派台歌的洪流之中,於是便發揮善忘的本質,由它被忘掉吧,哈哈.
《憂鬱小生》-- 人們一諗起阿邦就諗起的一首歌. 阿邦話自從他將之灌錄出碟前唱過幾次後,就無乜點再唱過.
他很怕唱呢首歌,所以唱o左無耐就話再o黎多次得唔得. (得,梗得啦~ ;D哈哈 邊個敢話唔得o既,我都唔知會有咩後果o架,問下本大姐個拳頭啦! 哈哈哈哈哈哈哈哈哈哈哈哈哈哈哈...!!! ;PPP)
《芬梨道上》-- 他多年前已作給楊千嬅的歌,如今才合以林夕的詞,收錄於她的最新專輯中. 阿邦很proud of這首歌,對林夕所譜上的佳詞喜愛非常,不勝感激.
跟住阿邦又再宣傳他的Yahoo! Blog,話有上去睇的人都應該知他日前有份參與這歌的MV拍攝,而這又是他第一次在其他歌手的MV中客串,更有幸的這位就是楊小姐. 他當上男主角,飾演千嬅的司機,載她上山頂. 阿邦笑言可惜無親熱鏡頭丫,咁就o徙o左佢o既"第一次"喇,哈哈哈哈哈哈哈哈哈哈哈,搞笑! "不過,今時今日o既楊小姐當然唔使咁做啦." 阿邦在我們的笑聲中作出補充.
其實我覺得呢首歌個旋律已經好浪漫,再加上林夕咁富景物,畫面的歌詞,而家重要係阿邦親自演繹......你估o下此際的本大姐在想甚麼? 梗係幻想緊自己係MV中的女主角啦,哈哈哈! *乘著夜深　他跟我霧中踏雲* ~ *v*真係超正呀,好浪漫...... 正爆o左!! 哈哈哈哈哈!
接著,阿邦話要唱首"化石歌"-- 其實係首英文歌,點解係"化石"呢? 因為觀眾聽後就好似成了化石般,"maag"大個口得個窿咁 (阿邦同時又模仿一下,超可愛呀!! 哈哈).
點會係化石歌呢! 我o地不知幾投入,有人重用手機將之錄音添.

呢個時候,徐繼宗拎住支啤酒返上台彈結他 (期間見佢真係都幾high o下,差唔多完全忘我) ,重o係阿邦面前飲o左幾啖,搞到阿邦都想飲埋一份,於是他就點了杯紅酒,叫觀眾幫忙傳到台前,哈哈! 阿邦重滿心歡喜以為有人請: "邊個請o架?......無人請o架!" 哈哈哈哈哈哈哈哈! 阿邦飲o左兩啖,話把聲可能會"拆"d,就繼續演唱.
唱了《蓬萊》後,就輪到舊歌時間:《快樂頌》,《含蓄》(阿邦唱的時候向徐繼宗拋媚眼,挑逗的眼神,woo~正呀! 哈哈哈!),《熱帶魚》及《40號》.

《潮騷》中原定有兩首舊歌會翻唱,除了郭小霖的《夢中見》,應該還有林志美的《永遠動聽》. 但係唱片公司話阿邦係唱作歌手,翻唱咁多歌會畀人覺得好懶.
他說《永遠動聽》會暴露聽眾的年齡,起碼25歲喎,哈哈! 而未聽過的年輕一族就當新歌聽啦. 而且要看看這首歌的歌詞,因為內容和他的大碟主題很切合.
他拿起結他,邊彈邊唱,話咁先顯得佢多才多藝嘛,哈哈哈哈哈哈哈哈哈哈哈哈哈!!
接著就是回到鋼琴的《無瑕年代》.

阿邦覺得自己的歌通常都好灰,在出席function時獻唱往往好似有d大煞風景: "歡迎來到xx嘉年華/xx同樂日呀! 玩得開心d!......《六月飛霜》丫唔該." "雖然今日係星期日一家大細開心出黎玩o既時候,而我而家要唱o既係《爸爸今天不歸家》,講o既係家庭暴力......"
而今次就唱得好開心,因為大家o黎呢度都係一心聽佢唱歌o既.
阿邦又不時呼籲我o地拎張飛去換贈飲之餘,都要幫[貝親]下買多杯飲品,等人o地有多d生意,日後先有機會再踏這舞台嘛,哈哈.
讓填詞人游思行跟大家打過招呼後,阿邦就開始唱《爸爸今天不歸家》.
其後就係被唱片公司中人稱為"浮屍"的《浮木》.←咁叫好似有d醜化o左首歌喎...! 哈哈^^" (他們通常會用簡稱稱呼阿邦o既歌,例如《自知之明》會叫"自知"咁.)

唱完後,阿邦就宣布今次的音樂會結束了,他回到後台去. 當然我o地無咁容易罷休同放過阿邦啦,全場一齊大叫encore呀! 嗌o左一陣,阿邦終於出返來喇!! 幾驚真係咁快完呀......!
在此起彼落的點唱聲中,阿邦唱了大家沒有點唱到的歌,哈哈-- 他為Shine寫的《流星月台》,是他今年唯一曲詞包辦的廣東作品. (其實我都估阿邦會係呢個live gig唱呢首歌的)
佢話應該都唔會再唱呢首歌嚕,所以大家用手機相機拍低擺上Youtube留念都得,哈哈哈哈哈哈! 阿邦演繹得好好多! (其實Shine的歌係ok唔錯o架,但係佢o地的唱功就真係唔多ok......^^")
阿邦話佢一向都對自己寫的詞沒多大信心,但係今次一路唱住睇d詞的時後,都覺得真係幾掂喎! 哈哈哈哈哈哈哈哈哈哈哈哈哈哈哈!! 的確真係好! 真有幸聽到阿邦的版本!!! *思緒就彷似一隻　停了的手錶*......

之後真係畀大家點唱喇,唱o左《平行路》(其實可以來個featuring游思行的版本啊,反正她就在台下嘛),而無唱"勁爆全宇宙"的《張開眼睛》.
再來《世界這樣大》之後,有觀眾想聽《豬先生》,但有觀眾就搖頭示意唔想.
於是就唱了其後被點唱的《我太難被感動》. 這時阿邦問徐繼宗死o左去邊;p,因為佢話再彈隻手就真係跛咁滯,哈哈哈哈哈哈哈哈哈!! 徐繼宗呢,就拎住一支啤酒走上台,一副醉鬼的模樣,阿邦話最鍾意佢呢個狀態喎,哈哈哈哈哈哈!
徐繼宗問阿邦呢首歌係咩key,阿邦就好肯定快而準咁答係C chord. 阿邦話永遠都會記住係C,因為這歌在唱片製作時高了一個key,令到阿邦要吊高把聲來唱,這歌就因而成了死得最慘烈的派台歌,畀d DJ話點解咁難聽...... 今次可讓大家聽回《我太難被感動》的正確正常版本了.
......有無搞錯\_/!!! 我都唔覺好難聽呀 (定係我遲鈍,唔知高o左個key......?), 我都好鍾意呢首歌o下o架! 況且,我之前非法試聽(係之前呀o下,而家無喇;p 支持正版),都無聽過d DJ話難聽o既,淨係記得佢話過覺得阿邦隻眼好似成日水汪汪咁,總是心事重重,不多快樂的模樣...... 應該是指出道初期吧.
接著阿邦唱了《夢中見》(←我又係覺得好浪漫~^^~)和《半熟蛋》.

最後,阿邦就送了《Have Yourself A Merry Little Christmas》給我們,畢竟正值聖誕期間嘛. *From now on your troubles will be miles away*......真係好多謝阿邦!!! 因為我去之前o個日d壞情緒又作怪,唔知點解好唔開心,好彩得阿邦d正歌[乙水]返我o者,哈哈!! >333<

......咪住! 咁快就完? 點會呢,哈哈! 阿邦話佢同記者們做完訪問後,可以同我o地簽名影相呀!!! \ >v< / 我請佢簽名時,同佢講o左我撐佢呀!!! 超級極之咁興奮丫!!!!!!!!......不過,阿邦似乎不明所以,可能我講得太細聲啦......><"
今次就真係完嚕...好唔捨得呀,嗚嗚!! T^T 因為阿邦o黎緊又要"潛水","閉關"一排喇......!(應該係去外國進修音樂)



總的來說,是次音樂會真係值回票價有多,簡直係賣大包呀!!! 唱o左咁多首歌!!!
雖然我成晚淨係最尾o個時飲o左杯菠蘿橙汁贈飲,但係音樂會全程好似醉了般......陶醉得很! 哈哈~ 重好感動添......!
氣氛又良好,觀眾主動拍掌打節奏. 不同的獨立個體,此時此刻成了關係無比密切的一群......阿邦,您係得o既! 哈哈哈哈哈!!
唯一唔多好o既係,本大姐的相機無電囉! =. =我已經charge多o左電去o架喇!......最玩o野o既係,音樂會完o左佢竟然就有電囉! 不過,咁唔係重好咩? 可以專心聽阿邦演唱! ;]
唔知下次再見阿邦係幾時呢......? 本大姐等到變成長頸鹿都會等o架 (咁我咪變到好高囉? 又幾好喎! 哈哈哈哈哈哈哈哈哈哈哈哈哈哈哈...!!! ←畀人話係個爛gag =v="), 因為等待是甜蜜的! 呵呵~

Posted in: 心潮澎湃, 我愛藍邦 on 2006年12月31日星期日 at : 下午8:06