琴音伴......情人???
估o下我尋晚去o左邊?
哈哈哈,燈燈燈凳-- 就係呢度喇:
YAMAHA Clavinova數碼鋼琴演奏會2007. 有阿邦喎,而且學生價重要$30咁抵,點可以執輸呀,哈哈哈哈哈!!
本大姐又係晨咁早就買o左飛喇,據稱d飛兩個禮拜就沽清,你話阿邦幾有吸引力! 哈哈哈哈!
好彩我預早o左d出門口,香港仔隧道有少少塞車,不過地鐵服務完善(我又幫人賣廣告...?!),開場前約半小時就到步嚕.
去到第一眼見到o既就係貼有"全場爆滿! 多謝支持!"字句的posters (但係有人話佢隔籬個位全程都無人坐喎...!),同埋人龍. 排隊時都幾驚會坐到好後或好前,然而,本大姐都坐得好位置,都幾正中o下o架,唔錯唔錯! (入場前重拎o左poster,大小通殺,哈哈哈!!! 正呀!!! 唔使錢喎,呢d o野真係唔可以執輸o架,呵呵呵呵;ppp)
個演奏會竟然有2個司儀主持,哇,見到都有d愕然,因為我以為呢個演奏會係好嚴肅o個d o黎; 同埋呢2個司儀又唔熟讀d稿喎......
通利的導師們首先揭開演奏會的序幕-- 2部數碼鋼琴合奏的《愛得太遲》(去邊都聽到呢首歌,真係有d膩...) 及數碼鋼琴與色士風合奏的《愛很簡單》. 色士風d聲真係令人覺得好浪漫,哈哈.
之後,o個2個司儀就話不如由佢o地o黎表演啦. o下......!? 我以為佢o地講o下笑咋,誰知原來是真的,一個彈一個唱. o個個司儀都算唱得不過不失,嚇得我,哈哈.
隨後,嘉賓中川深捺出場. 高級數果然唔同d! 之前d導師只可謂交足功課,好像沒甚麼感情可言; 而中川彈奏時則面帶微笑,身體隨之微微擺動,多享受多優美! 佢又唔使點睇琴譜添. 這忽然令我想起前中文會考課文《聽陳蕾士的琴箏》,哈哈哈哈...... (哎呀,點解我重記住呢d o野o架?!)
佢彈o左幾首歌,其中《天水‧圍城》可謂善用了這部數碼鋼琴的功能. 曲內的豎琴聲及其他樂聲都模仿得到. 《童話》我反而覺得麻麻,好似彈得用力o左d...... 中間跳躍輕快o個首同最尾o個首都幾好唔錯! 瞇埋眼真係以為有成個orchestra o係度! 部琴真係呃得下人喎,哈哈. 不過要用呢d功能都要好好功力同記性先得! 你知雙手一走上琴鍵有幾忙o架啦,幾時要按咩掣又要記得好清楚,演奏者無番咁上o下斤両真係做唔到o架,哈哈哈. ;p
中川都幾得意可愛,半鹹淡的廣東話幾搞笑,最正係佢要睇o下張貓紙o黎講,哈哈哈哈!
其實......這數碼鋼琴某程度來說是否可用來填補一下一些不得志的鋼琴家之空虛心靈......???
中段,竟然又有個有獎問答......哇,真係又估佢唔到! 真係搞笑...... d人都好踴躍o下,哈哈.
"而家,有請我o地o既YAMAHA Clavinova 數碼鋼琴香港及澳門區代言人--藍奕邦先生." 司儀說畢,《蓬萊》的mv隨之播放. "o下!?" 後排傳來疑惑的一聲,哈哈哈哈哈哈哈.
播畢後,2個司儀又走出來,佢o地話阿邦有d唔舒服,會用音樂代替說話. 阿邦戴住口罩,睇o黎病得唔輕呀......＞＜ 天氣忽冷忽熱,真係要小心身體啊!
抱恙的他,先來彈奏《六月》. 有輕有重的,每一個音階都打進心坎內,一切盡在不言中...... 好鍾意呢種感覺!
之後,(應該係臨時搵o黎的) 馮穎琪在阿邦的伴奏下唱出《芬梨道上》及《愛一個上一課》. 佢唱得好好聽啊,d高音掂,但係感情就好似唔及原唱者.
跟住就o黎到尾聲,阿邦及中川合奏《輕閉雙眼》和《但願人長久》. 彈奏之前,工作人員o係阿邦部琴前面set o左個攝錄機,阿邦不忘發揮佢o既搞笑本色,向鏡頭做個V字手勢,哈哈哈哈哈哈哈,好得意好搞笑好可愛!
所有嘉賓o黎張大合照之後就曲終人散嚕......唔制呀! 阿邦得咁少o架＞＜ 阿邦唔舒服嘛,唔好咁多要求啦~ 阿邦彈得好正＞3＜,通利d導師真係......唔該修煉o下,哈哈哈哈哈哈哈哈哈哈哈哈哈哈哈...!!! 阿邦雖然只有四級證書,但係以佢如此精湛的琴技,八級相信絕對唔會無.
阿邦依家應該真係會閉關嚕,唔知下次見係幾時呢? ~^^~
走o個時竟然聽到有人話好悶,重有人[目訓]著o左添,有無搞錯!! 本大姐都未[目訓]你去[目訓]\_/!! 我搭緊車去o個時都有d眼[目訓],但都堅持住唔准自己瞇埋眼,絕對唔可以睡眼惺忪咁去聽演奏會o既,好唔尊重家嘛!
喂喂,講o左咁耐,"情人"o係邊呀? 完全無出現過喎...... 點會無! 去睇o既情侶都唔少,他們共度了一個溫馨甜蜜的晚上,哇哈哈哈哈哈哈!! 之但係一個人都可以好浪漫o架,呵呵~~ (其實係唔想個標題咁普通而抄o左某雜誌介紹這個演奏會的標題o者,哈哈;p)
文章
