半日記．半逸記

今日我搵返柯南餅帶呀!! 好開心呀!! 全靠小芬咋!! >3<
睇返先知原來已經係4年前嚕, 係tvb o係夜深2:30播映o既 "名偵探柯南大電影之 [手羅]命啤牌" (tvb呢個譯法都有d[手羅]命...^^"哈哈). tvb o既粵語配音版真係好令人回味呀......!!! tvb快d再播返柯南啦~~~
其實我應該重有另一餅帶係錄o左tvb播o既電視版柯南o架, 不過搵極都搵唔返, 諗諗o下都唔知係咪畀我之前整爛o左......=.=" 所以, 始終都聽唔返o個個版本o既開場白 >.<

以前o既我睇柯南淨係會跟住d線索一齊估個兇手同佢o既行兇手法; 而家o既我就好似會諗多一d, 諗o下個兇手o既動機o既背後, 又諗o下除此之外重有d咩訊息或道理帶到出o黎......類似呢d咁掛,哈哈;p

睇完之後我又失驚無神去搵返之前買落o既港版dvd, 跟住重興起玩o下個推理謎題. 點知我竟然推理得到第1題個答案喎 (其實都係半撞半推咁估估o下), 用o左大約9個字咋! 超開心超開心丫!!! \ >o< / (雖然我知畀著d勁人或者連3個字都唔使就諗到;p) 起初我諗我實要諗好耐o架, 至少起碼1個鐘, 甚至會諗唔到個答案......
第2題個答案我就唔多清楚喇, 哈哈哈;p

有興趣o既可以試下玩o架:


本大姐諗到並引以為榮o既第1題答案, 呵呵呵~~


夜晚睇<<星期日檔案>>, 講星雲大師, 佢真係幾有魅力(重幾可愛添~^^~<--係咪覺得我有d變態;p), 學者話係因為佢有名嘴一樣o既演說技巧, 又善用生活化呢d咁生動有趣o既例子去闡釋深奧o既彿理.

佢覺得香港人對出家人有一套特別o既睇法, 佢引用佢搭一程十幾蚊o既的士, 但畀o左一百蚊個司機o既事例, 話我o地可能會覺得出家人係財神爺. 佢話出家人真係財神爺o黎o架, 因為彿令佢o地富有. 其實我重覺得出家人都擁有一副慈悲為懷o既面容同心腸.
佢又講到香港人鍾意錢唔係問題, 因為人o既社會係一定要用到錢o既, 問題係你點用d錢. 佢比喻話就好似拳頭咁, 你可以用o黎打人, 但又可以用o黎同人o地去按摩, 好舒服.

唔......又或者係我本身對彿理有興趣啦, 好玄, 令人似懂非懂咁, 而當中o既道理又會令人恍然大悟. 查實我真係有打算將來o係我思想成熟o既時候去寺院禪修幾日o架, 肯定會有好多得著o者! 要剃頭我都唔介意o架, 橫掂我又真係想一嘗斷去三千煩惱絲o既滋味~

捨得捨得，你肯捨也自然有所得。－－星雲大師


哎呀...... 返學喇就o黎, 我又係過o左個爆懶假期, 功課到現時無掂過, 書又無乜溫過...... 哈...... = ="

Posted in: 心潮澎湃, 偷得浮生半日閒 on 2007年4月15日星期日 at : 下午11:15