三四五
等我呢個無聊懶人講下我今個星期三,四,五做o左d咩啦~ 哈哈.
星期三
午間收到細細man o既電話約我去游水, 意外又驚喜, 哈哈~ 不過我又遲到......^^"
無去一排 (其實可能都有成年咁滯嚕), 包玉剛 (我一路都覺得泳池用呢個名幾正, "包" 起個 "浴缸" 畀你去游水, 哇哈哈哈!!) 更衣室d設施好o左喎! 更衣間同淋浴間唔再係用浴簾喇, 改為可以鎖o既門, 哇, 安全感當堂返晒o黎, 哈哈哈!
o個日4點零都唔係太多人咋喎, 游得都幾舒服~ 浸o係水度談心真係好鬼正, 哈哈!
我真係超愛游水呀!!! 想游水可以隨時約我o架, 本大姐樂意奉陪到底! 哈哈~
星期四
經過呢日之後, 我覺得我o既臂彎都頗為強勁, 哈哈哈哈哈哈!!
事關我同阿ling一人捧住一袋差唔多廿本書 (事後發覺個環保袋係穿埋窿o既), o係烈日當空之下, 大汗疊細汗, 無視途人向我o地投以o既奇異目光, 出去香港仔賣!
可惜, 一o黎就遇著珍寶地庫一落到去o個檔死人o野, 本大姐真係要在此力勸大家唔好鬼去幫[貝親]佢, 一於罷買/賣呢間死o野!!!!!
o個個男人o既態度真係差到死!! 同佢講價佢就狂寸我o地喎!! 佢話: 小姐, 你開到個價咁高, 我o地唔使食咩! 跟住佢見到阿ling有本封都未開o既書就即刻雙眼發光咁, 死咬住阿ling唔放, 話: 小姐, 唔好話唔志在啦, 開個價o黎, 你想賣幾錢先!
哎呀, 真係一諗起o個個男人就火滾, 可怒也\___/!!!!! 佢最賤就係我o地臨走前都重要潤我o地!!!!!!!! (哈哈, 係咪好少見我咁鬧人呢;p, 無法啦, 氣難下呀!! 不過以上說話我諗我係唔會講出口o既, 哈~)
唉~ 咪睇我而家好似講得咁聲大夾惡, 係威係勢咁, 其實我o個時只係識粒聲唔出咁企o係度, 眼白白睇住阿ling被人係咁蝦......T^T 唉, 真係覺得自己好無用, 我可以惡d就好啦!
之後就去o左利群隔籬o個間賣, 哇, 簡直係天同地比呀!! o個個女仔真係好人到爆!! 佢問我o地拎咁大袋書o黎辛唔辛苦呀, 又問個價咁樣咁少錢, 你會唔會唔開心o架.
但係仍然有部份因改版賣唔出, 只好安放佢o地係廢紙回收箱旁邊. (擺明就係好開心咁dum o左佢啦, 講到好婉惜咁-.-)
跟 住就出去西環陪阿ling做證件, 不過我呢個路癡當然係唔識去o個度o既, 問o左人都行o左ok耐先去到o個度, 期間搭o左電車 (我之前曾經被<<電車男>>混淆過, 爭d唔記得呢個交通工具叫乜東東=v="), 話時話, 真係好耐無搭過嚕! 好有風味, 都幾懷舊咁, 哈哈~ 搵日有機會再搭下先!
好彩走o個時見到咁o岩出面就有個M47巴士站, 又咁o岩話咁快就有車, 哈哈.
車 上, 阿ling o係我個膊頭上[目訓]得都幾lum, 我個臂彎係咪好強勁好有安全感先, 哇哈哈;ppp!! 其實我諗係佢真係好累, 難得返咁耐工先有日假放, 重要東奔西趕頻頻撲撲身水身汗...... o個一刻我諗: 真係辛苦晒阿ling喇, 好希望你第時搵到一個真正又廣闊, 又強勁, 最緊要就係可靠o既臂彎!
終於返到來華富喇. 同阿ling去街市買[食送], 因佢話想煮返餐畀媽咪食, 真係孝順o既o者~ >3< b
o係豬肉檔o個度, 個伯伯同我講: 喂, 小朋友, 放假o拿? ......= =" 佢問我幾年級, 我叫佢估下, 佢估我中一...... 乜我個樣真係仍然可以同我真實年齡爭成5年o架= =? 上年去書展都被人以為係小童...... 喂, 咁我都keep得幾好喎, 哇哈哈哈哈哈哈哈哈!!! =v=V
落返華貴去超市買完o野, 諗住終於返得屋企啦, 點知後面就傳來一句: 喂, 點呀? 原來係以前form 3個補習阿sir!
真 係好耐無見喇! 佢肥o左好多呀! 我o地就係咁企o係條街到傾o左成15~20分鐘. [唔好忘記, 我係"咩"住袋超市貨品o既, 而且重要係用個穿窿環保袋...... (用環保袋平得1毫子真係好少o下喎!! 咁點推動環保呀大佬! 但係你"無膠袋日"就收人5毫一個膠袋囉, 真係好賺=. =)]
佢畀o左幾多學業上o既意見我, 話我有咩問題可以打電話問佢, 佢真係好好人o架o者^^~~ 不過原來佢係唔記得我叫咩名o架囉, 哈哈=u="
佢有講下其他以前一齊補習o既同學仔o既近況, 重話好榮幸可以教到我o地, 我o地又何嘗唔係呢! 一樣好榮幸可以被佢教到呀! o個刻我好似坐o左o係回憶o既影院入面, 當時o既情況一一重現於腦海中......
o個時阿sir好搞笑, 當時有套電視劇講到人格分裂, 佢就試過扮d人格分裂o既人, 好瘋狂呀, o個時我笑到死o左咁滯!!! 哈哈哈哈哈哈!! 諗返起仍然覺得好笑呀~ 我o地o個班同學大家都幾傾得埋, 佢o地又係好搞笑, 所以我o個時真係幾鍾意返補習o架, 問o野之餘重有得笑, 哈哈! 我o地重有約過出o黎一齊睇戲o架, 係睇加菲呀~ >w< (唔使講都知係我提議o既啦;p, 哈哈)
呢一年o既補習真係好開心! 好掛住班同學仔呀 >3<
之後終於終於可以返屋企喇......! 返到去放低d o野我就即刻攤落張床到喇 -v-, 哈哈! 話晒都行o左成日喎, 又咁熱辣辣!
星期五
yo~ 呢日去o左同阿金金同細細man唱k, 哈哈!! 不過我又又遲到, 朝早唔知醒......^^"
我上次去唱k係幾年前o既事喇, 所以今次去都有少少緊張, 你知啦, 本大姐一向以五音不全見稱, 呀哈哈哈哈哈哈=v=!! 不過我又係相當之興奮喎, 之前游水o個日約實o左話去已經係喇, 哈哈~ 因為可以去睇阿邦d ktv嘛!!!!! 哈哈哈~
可能係我少食唱k d o野o既關係, 我覺得d o野食都幾好唔錯喎;d, 哈哈!
我 只係點o左阿邦幾首歌咋! <<身體健康>>啦, <<爸爸今天不歸家>>啦, <<世界這樣大>>啦, <<蓬萊>>啦, 同埋<<盲年>>咋~ 無理由要你o地係咁聽我走音o架, 雖然係用o左伴唱o者, 哈哈. 之後諗返我應該點d冷門d丫嘛, o個d ktv第度無得睇家o架嘛! 除o左阿邦o既之外, 我都有點o左d at17 o既歌~
阿金金同細細man點o既都係超高難度o既高音歌, 本大姐聲線實在太過雄厚, 哈哈哈, 唱唔到......;p
之 後阿金金去o左古巨基個list睇, 入面有d介紹呢個k房o既設施同防火設備等等o既o野, 哈哈哈哈哈哈, 真係超搞笑!!! 然後被我睇到呢個list入面竟然有某首歌, 即刻令我超級興奮!! 係<<我是貓>>呀~~~ 哇~~~ 加菲電影o既主題曲呀! 好開心~~~ 加菲真係超可愛超得意呀 >w< !!! 依首歌充份咁將佢o既性格描繪晒出o黎呀~~~
其實支咪都ok重o下, 我真係唔多慣[手查]住o黎唱歌, 都係o係無人聽到o既情況下自己清唱free d, 呵呵呵呵~ ;p
唱完之後我就同阿金金去o左書展. 可能因為係食飯時間, o個時都真係唔算話太多人~ 晏d d人就真係開始陸陸續續咁o黎喇!
o係場內某一度, 我o地見到兩個女人好似小朋友咁拉拉扯扯, "好啦" "唔好啦" 咁, 哈哈哈, 搞笑! 阿金金即時O o左嘴, 哈哈哈哈哈, 佢o既反應好搞笑!!! 哈哈哈哈哈哈!!! 我成日都覺得阿金金對d我認為搞笑o既o野o既反應好搞笑o架, 哈哈!!
阿 金金收穫比我豐富~ 我淨係買o左2本書, 出自同一作者手筆, 不過我諗我未會咁快睇住嚕, 因為呢個作者之前o既一本書我都未睇完, 少少篇章入面都好似好多o野想表達出o黎咁, 諗到我頭都爆爆o地, 睇得勁慢......=v=" 哈哈. 都係o個句, 等我睇完 (加上有心情) 先再講下啦或者!
咦, 諗諗o下, 我都好似好耐無打過呢d以記事為主o既口語日記喇, 哈哈@u@~
文章
