半日記．半逸記

凌亂的思緒又纏繞著我.

想表達嗎? 又不知該從何說起.
把它們一一吞進肚子裡? 又心有不甘.
於是, 文字就這樣被拖拖拉拉的, 漸漸地給磨擦去.

怪只怪我總愛尋找一些隱晦的字句代言, 直截了當的, 還是藏起來較好吧.

Posted in: 愁山悶海 on 2008年12月31日星期三 at : 上午12:24 0 逸響    

同一天有著兩個日子的快樂, 唔~

Posted in: 心潮澎湃 on 2008年9月14日星期日 at : 上午2:05 0 逸響    

6月15號呢一日, 我真係節目精彩, 行程緊湊, 一套衫直踩三場呀! 哈哈哈哈哈!
簡單o黎講, 我係帶住d蝦餃燒賣去見阿邦, 然後又帶住阿邦去一個話就話唔隆重, 但係其實就個個化晒妝又低胸裝o既晚宴. (為方便起見, 我又繼續我o既口語網誌 ;p)


首先講下朝早.

一早起身 (須知道我覺得早o既時候其實都ok晏o架喇, 哈哈) 就要著好事前煩擾o左我好耐, 先問阿金金借得成o既黑色吊帶裙, 去香港仔珍寶同公公飲父親節茶~
不過熟我o既人都知我係絕對唔慣著到咁暴露o架喇 (其實只係我呢個ok保守o既人先咁覺得o架o者 =v="), 呀哈哈哈, 所以我當然就係會加返件外套啦~ 同埋著返中五grad. din. o個對鞋. 不過咁樣行出街我都覺得好唔自然! 大舅母都問我o個日做乜咁靚 = =", 哈哈!

飲茶真係間唔中好喇, d o野好鬼油膩, 食少少我都滯o左, 個肚都夠撐到去見完阿邦添喎!


之後點零鐘就即刻飛出中環Backstage睇阿邦o既TVB音樂台節目 "Live House" 錄影!

哇! d時間好 "文" ! 差兩分鐘就遲過約定個時間! 著住套咁o既o野, 加埋對窄o左d o既鞋, 哈, 我係咩慘況可想而知! 熱死我! 汗如雨下! 不過我去到o個時都唔係咁多人等緊咋喎~

等o既期間, 有意外驚喜! 哈哈哈哈~ 我見到後面排緊隊d人堆晒出o黎, 聽到d人話見到某某明星喎, 咁我就跟住探頭去八卦下啦~ 哇! 真係喎~ *3* 係被譽為擁有殺死人o既憂鬱眼神o既影帝-- 梁朝偉!! 哈哈哈哈~ 佢自己一個駛住架黑色 (應該係七人?!) 車o係威靈頓街經過! 好彩我同佢未有眼神接觸o者, 哈哈, 唔係一陣間被佢電完再被阿邦電我咪好弊, 呀哈哈哈哈!!!

上到去坐低, 我真係唔慌唔電喇 =_=", 坐o左o係兩對情侶o既中間, 我呢個電燈膽通晒電, 左邊卿卿我我o既同時, 右邊就甜言蜜語... 不過其實佢o地真係幾sweet o既, 哈哈~
重有就係, 我部相機又神o左, 全日一張相都影唔到 T_T ! 佢係咁叫我format張卡, 但係format o左幾廿次都唔得; 之後又話無電, 我明明charge足晒電o架嘛! 次次去見親阿邦佢都硬係有d問題o既 =3= !!! 唔通連佢見到阿邦都怕醜?! 阿邦真係好o野, 哈哈哈哈!!!

於是我唔理喇, 專心睇阿邦好過!
由於呢個係兩集節目錄影o既關係, 主持人Cyrus事先都表明d次序係會亂亂地, 聽到話o黎到尾聲千祈唔好走住呀, 阿邦都話大家唔好以為佢思覺失調又大家好又再見咁呀, 係節目所需咋, 哈哈哈哈哈!

阿邦唱o左d咩歌我唔詳細講喇, 因為有人已經記低晒 =v=~ 我都係偷下懶 ;p , 哈哈哈哈!! (其實係我d記憶亂晒龍, 費事獻醜啦~) 咁我就講下歌與歌之間d趣事啦 ^(+++)^ ~

阿邦唱 <<身體健康>> 之前, Cyrus話好多人都覺得呢首歌幾感動o架, 問阿邦其實呢首歌係點o黎o架呢? 阿邦就話, 其實佢寫呢首歌係想好似d "恭喜發財" 呀咁, 可以時不時都拎出o黎唱下咁o架咋, 大家唔好咁美化首歌呀~ 哈哈哈哈哈!
講真, 我真係覺得呢首歌好感動o架! 咁就等我得閒就拎出來感動下啦~~

跟住唔知邊段時間Cyrus又同阿邦傾到話阿邦之前去o左New York上vocal lessons, 舊地重遊有咩感受? 阿邦覺得o個度d人友善返好多, 之前佢去到o個度係唔敢一個人出街o架. Cyrus又話其實阿邦都去過幾多唔同o既地方留學o架喎, 例如日本咁, 呢d又對佢o既音樂喜好有無影響呢? 原來阿邦之前唔係咁鍾意聽日文歌o架喎~ 不過之後佢就幾鍾意d日本舊歌, 推介山口百惠咁話喎~ 哈哈哈哈!

Cyrus (又或者TVB o既資料搜集員) 真係幾好o野, 起晒阿邦個底咁滯, 哈哈哈哈, 阿邦都話佢真係幾清楚佢o既事跡喎! 原來阿邦係放棄o左唔讀film school而去唱歌o架喎! 我都未聽過喎! 要不然阿邦而家就可能係一個導演仔, 哈哈哈! Cyrus又問咁唔知阿邦會唔會想試下做演員拍下戲咁呢? "我反而想試下做編劇喎!" , 阿邦話咁就會被人覺得 "咦, 原來藍奕邦重會寫劇本o架喎" ~ 哈哈哈~ Cyrus話其實TVB都想要呢類人才, 想試下o既可以向有關方面單聲o架~ 哈哈哈!!

然後就大概差唔多係嘉賓出場喇~ 哈哈! 阿邦話: "要多謝王菀之同埋劉浩龍! 重有Ivana同師兄o既fans! 要你o地忍耐我o既歌聲!" 唔知師兄定Ivana o既fans回應: "唔係呀! 好聽呀!"

Ivana真係好鬼死可愛呀 >3< ! so cute!! 佢同阿邦走埋一齊真係好正! 哈哈哈哈哈~ 佢o地成日都好爆笑!
阿邦話跟住落o黎會同Ivana合唱o個首英文歌, 應該將會係佢o地o既飲歌! 哈哈! Ivana話佢之前都未聽過首歌o架, 聽完之後好鍾意, 同埋介紹大家睇下個mv~ 阿邦同Ivana對個mv o既形容, 令到全場都大笑, 阿邦都笑到彎晒腰!! 哈哈哈哈哈!!! Ivana見阿邦都笑到收唔到聲, 就同阿邦講喇: "做咩喎... 人o地好認真咁介紹緊o架!"佢o地真係超正!! 哈哈哈哈~~

Cyrus講得o岩, Ivana真係好卡通, 哈哈哈~ 好得意呀 >v< ~~ 每見佢一次佢就可愛o左一d o架喇, 哈哈哈~~ (我咁樣講好似我見過Ivana好多次咁 =v="... 其實我只係見過佢真人兩次o架咋, 哈哈! 上一次咪就係兩年前, 又係阿邦o係音樂台錄影, <<為音樂喝采>> o個次囉, 哈哈哈~)

然後就到Ivana獨唱o既時間喇. o係d工作人員set緊o野o既時候, Ivana話不如等佢打鼓畀大家聽下咯~ 不過話轉頭, 佢就話呢d梗係留返佢9月o既個人音樂會先做啦, 哈哈哈哈! 佢重同前排d觀眾講: "我真係識打o架~" 哈哈哈哈~ 好搞笑~

好喇, 輪到師兄出場喇~
師兄要同阿邦合唱o既o個首歌, 其實係阿邦之前係一個電台節目於限時內即席為佢寫o既. 之後師兄有意將呢首歌完成, 就約o左阿邦出o黎盡訴心中情, 佢o地就咁慢慢成為o左可以傾心事o既老友喇~
師兄話佢次次唱呢首歌都好感觸, 阿邦就話: "首歌講緊你o架咋, 唔關我事o架~", 師兄回應: "咁好啦, 你唔好唱喇~" 佢o地唔係老友鬼鬼邊可以咁講笑, 哈哈哈哈!

相信大家都知道阿邦同過唔少天皇級歌手合作, 阿邦覺得佢o係劉德華先生身上學到最多o野, 劉華令佢知道乜o野係專業; 亦令阿邦覺得要寫返好手字, 阿邦話華仔d硬筆字都寫到好似毛筆字一樣o架, 哈哈!

o黎到接近尾聲, 阿邦唱o左首佢幾鍾意o既英文歌, 內容帶出o左呢個問題: 究竟係我o地去等呢個世界改變, 還是我o地去改變呢個世界呢?

係講咁多喇, 哈哈. 有興趣o既可以去呢度睇埋當日o既相, video同一d逸事: http://singleforum.freeforum.hk/thread-4619-1-1.html (如果你真係由頭睇到尾, 睇到呢度先發覺原來有條link有咁多好o野睇o既, 係咪覺得好搵笨呢 =v=, 呀哈哈哈哈哈哈!!)

錄埋d預告, 呢日o既錄影就差唔多完嚕... 哇, 睇睇錶, 六點差唔多搭四, 再唔走grad din o個邊肯定遲好多! 無計o架嘛, 阿邦同grad din比, 你話邊樣重要! 哈哈哈哈!!


好彩o係佐敦grad din間cafe唔難搵o者, 不過上到去見到d人o既打扮真係令我 o_o ! 大佬, 去cafe咋喎, 之前重話唔使好似F.5咁隆重添...

不過靚o既又真係靚爆鏡o既! 血氣方剛又年少氣盛o既少男見到真係會把持唔住口水鼻血一齊流! 哈哈哈哈哈哈哈!!!
我好鍾意阿pei o既裝束呀!! 因為, 我愛懷舊 >3< ! 好靚好有韻味! 唔知我咁著會點呢 =v=? (千萬不要嘗試想像, 哈哈)

o野食種類真係唔多, 份量都係, 係我最尾食o左成大碟沙律先覺得飽咋! 哈哈哈~ 食完o野真係無o野好做, 唔係影相, 就係各有各玩. 我部相機呢日壞o左, 正好讓我知道, 我o係呢班人入面, 係一個咩位置.

o個日去o既老師夾埋校長一眼睇晒, 得6個! 一位同學o既呢句好o岩: 謝師宴o既主角o係現今絕對唔會係老師...

最後整幅我o地班o既grad din大合照啦, 哈哈!

(唔該阿昌張相) (我發覺原來我o係呢張相都幾突出 =.=")

Posted in: 心潮澎湃, 我愛藍邦 on 2008年6月18日星期三 at : 下午12:08 0 逸響    

14/5 三劍俠! (唔知點解覺得呢個名幾配合佢o地, 哈哈)





哈哈哈, 呢個既唔係糕又唔係點, 亦當然絕對唔係我整o架啦, 哈哈! 不過呢幾支DrinkaZine飲料雜誌o既中國茶, 係我買材料用o黎去廚房搞亂檔o個時見到, 一拼買埋o既~

我覺得呢個牌子幾特別! 佢o既包裝印有不同類型o既文章, 又有一d名人名句, 品茗之餘也可細味一下唔同作者o既見解-- 唔~ 簡直係多重享受呀! 之前飲過佢o既麥茶, 味道幾特別, 有d似咖啡混茶, 哈哈~

今次見到佢出中國茶於是又買來試下~ 其實主要係想試下碧螺春o既味道! 重記唔記得前會考中文課文o既 <<竹林深處人家>> ? 嚐一口碧螺春, 仿如置身於鄉土氣派與青春氣息滿溢o既竹鄉, 其芳香撲鼻令人精神為之一振! 認真唔錯! (不過會唔會被人話: 要試真碧螺春o既味道就唔應該買現成o架啦! 要沖泡o個d先得o架嘛! 又係呢個原因: 我懶呀嘛! 哈哈哈哈哈~)

我好鍾意佢個包裝上o既中國風圖案! 重有佢包裝o既用色! 睇得出佢係用心良苦o既! 同d茶色真係好襯! 重有佢o個句幽你一默o既警告: 此飲料多喝有益, 哈哈! 得閒可以上佢個blog睇睇: blog.drinkazine.com, 亦都不妨買支o黎試下! 我上次去惠康睇佢重做緊特價, 唔使$5一支!

--講開價錢我又有d o野想講! 其實我買呢幾支o個時佢無減價o架! 好唔抵呀! u_u 之後我次次上去佢都減緊價!
重有, 去得多惠康我就發覺佢d o野真係差唔多係超市之中最平! 可惜我覺得佢唔係咁識宣傳, 電視廣告成日都唔賣下佢自己d特惠牌呀同首選牌o既超抵價, 只係賣o個d有牌子o既, 點吸引到好似我呢d只向價錢看o既人呀! (哈哈哈, 好師奶呀可?) 不過, 我又覺得惠康個品牌形象做得好過百佳, 打人情牌, 幾溫馨, 同埋好貼近我o地o既日常生活!


15/5 有機砵仔糕!





唔錯o架喂! 哈哈~ 雖然係有d失敗, 蒸o左好耐都重水汪汪, 又好軟稔稔咁, 但係倒o左d水, 攤o左一陣, 佢又實返喎 *o* ! 哈哈!

媽咪話我第一次整真係唔錯喎~ 重一路食一路同我講: 睇下我食得幾津津有味! 哈哈! 陳肥肉都有食呀, 佢話硬o左d (梗係啦, 擺o左咁耐佢先食 =3=), 不過d味就無過甜或淡, 重三扒兩撥就食晒, 哈哈!


20/5 有機紅豆糕!



雖然媽咪話夠爽口, 但係d味淡o左d, d紅豆又被爸爸話唔夠稔 (咁雪過o黎呀嘛 =3=) , 結果... 雪櫃無位擠... 我一晚之間自隊晒! 呀哈哈哈哈!! 你唔食係你唔識欣賞 ;p~~ (又o黎藉口一大個)


見到我以上兩樣都用有機紅豆o黎整, 係咪覺得我好健康呢?! 哈哈! 其實唔算完全係o既! 只係我去惠康買o個時, 行轉角,返轉頭, 就唔見o左最後一包平o既紅豆 =3= ! 焗住買貴o架咋~ 不過, 我係用現金券買o既 =v= , 無相干啦~ 哈哈~


24/5 馬豆糕!



個樣又係核突o左少少呀o下~ 哈哈哈! 個味道就甜o左d, 但係陳肥肉勁食! 日日放學返來都o係雪櫃拎出來食! (雖然唔排除只係o個排無其他佢鍾意食o既零食 ;p) 其實呢樣係爸爸要求整o既, 不過佢最尾好似只係食o左一o舊囉 =0= ! 哈哈哈!

媽咪鍾意食爽口彈牙d o既, 但係我就認為而家食緊o既係糕呀嘛, 咁梗係要稔返少少先似o架嘛, 如果要爽o既不如食o者哩啦~ ;] 呢個馬豆糕係我到目前為止最滿意o既, 同覺得最似糕點o既!


27/5 蒸蛋糕!



我覺得呢樣好神奇! 幾分鐘前重係一灘水, 幾分鐘後就脹o左起身, 成為o左我o既午餐! 哇哈哈哈~ 不過好重麵粉味 =0= ! 我諗下次再整o既話要落多d奶同牛油先得!

呢樣重有一件好搞笑o既事發生o左! 哈哈! 話說我拎出o黎畀陳肥肉試食啦, 佢就問我喇: 呢排做乜整咁多o野食? 整畀o個個 "XXX" 食呀?
我初頭聽唔清楚, 以為個 "XXX" 係 "男朋友" 啦, 之後我問佢頭先講咩話, 原來個 "XXX" 係... 係... 我唔講住! ;p 估下先啦~ 我覺得幾出人意表o架~ 哈哈哈! 同男朋友都幾接近o架 AvA ~~

好喇~ 開估! 係... "藍奕邦" !! 呀哈哈哈哈哈哈!!! 我唔知點解佢會咁覺得囉 ?_? ~ 哈哈哈! 我連同阿邦影張相都已經勁緊張, 講句o野又已經騰晒雞, 邊有可能送o野畀佢喎~~ 唔通我迷阿邦瘋狂到出晒樣 *_* !? 哈哈哈哈哈哈!!!


3/6 千層芝麻糕! (其實係得四層o架o者 ;ppp~)

<-- 有一層落o左我個肚 ;d ~

呢樣係媽咪話想食o既~ 但係之前一路都唔知個食譜話o既即食芝麻粉係咩, 跟住諗諗下, 可能係即溶芝麻糊o個d粉喎! 於是就買o左o黎整喇!

媽咪覺得呢樣係我整o左咁多樣以o黎, 最似出面買到o個d, 同最好味o既! 哈哈哈哈哈~~ 但係我就嫌唔夠香喎!
之後放o左入雪櫃, 搞到硬晒, 又無晒d香味咁滯, 我又要獨個兒享受o既 "傑作" ... =3=

不過! 今次發覺蒸返熱佢就稔返, 香味都解鎖返! --又係喎, 用粘米粉o黎整o架嘛, 話明係米, 凍o左梗係硬, 熱先會香軟o架嘛!


點解我咁情迷中式糕點? 唔~ 或者係覺得唔多人整, 同特別d啦! 重有就係, 我有材料o係度呀嘛, 整o左一次實用唔晒o架~ 一物多用, 就物盡其用呀嘛! 哈哈哈哈哈哈!


好喇, 最後送上一首歌, 哈哈~



(如果你有睇開我個blog o既話, 呢排有無被我誤導o左, 諗o左去隔籬先? 呀哈哈哈哈哈哈哈哈哈哈哈!!!)

Posted in: 我愛藍邦, 偷得浮生半日閒 on 2008年6月6日星期五 at : 下午5:18 2 逸響    

有時候覺得，我會把自己有意無意地營造成另一個人。這個營造出來的我，幾惹我憐愛…… 又幾討我歡喜，哈哈。

這種心理有趣之餘，亦有一點點變態，哈。

Posted in: 日有所思 on 2008年5月30日星期五 at : 上午12:44 0 逸響    

飄逸。

Posted in: 偷得浮生半日閒 on 2008年5月24日星期六 at : 下午11:16 0 逸響    

「今天，距唐山大地震發生32年之後，它來了。四川8級大地震造成破壞的面積高達10萬平方公里，是唐山地震2.6萬平方公里的近4倍，死亡人數尚未確切統計。它發生在群山深壑，實際上是由一個強烈地震、多個強餘震和廣袤地域的山體滑坡、泥石流等嚴重地質災害疊加的巨災。考慮到30多年來社會經濟的發展，人民財富的增長，重建的成本，直接和間接經濟損失會達天文數字。它無疑將成為21世紀人類的一次重大歷史事件。

面對困境，我們別無選擇。對大自然的脈動與無常，作為它的子民——人類，我們唯一能做的是全然接受。它是學習，是課程，讓我們學習愛、無奈、悲傷，學習直接面對自己、他人、社會，以及整個自然與宇宙；是更新，除了被眦掉的物質，還有我們的心理與精神。它是人類成長躲不開的大考。它以特別的方式，揭去所有的遮蔽、文飾，裸露出一切真實。它讓我們看到自己的真相，美，又那麼脆弱；它檢測出我們今天真實的社會形態﹕高度、重量，以及品質。」

節錄自《從唐山到汶川》錢鋼（《唐山大地震》作者）

Posted in: 日有所思 on 2008年5月19日星期一 at : 下午2:46 0 逸響    

人o地o個個木糠布甸係用馬利餅碎o黎整o既, 你就走去用美祿溶粉o黎代替, 然之後搞o左壇四不像出來-- 唔布甸唔雪糕唔忌廉唔美祿咁... = =;;; 個賣相重鬼咁核突!
辯解: 咁就唔使再o徙錢另外買d餅返來呀嘛... 而且又慳返顏碎d餅o既功夫! 同埋呢, 我手打d忌廉好似打極都打唔起咁... =3= 呢d唔係核突, 係藝術, 抽象派呀... 哈哈哈!!!

跟住重要擺o係冰箱雪o左差唔多8個鐘, 人o地話雪2-3個鐘之嘛!
辯解: 咁人o地出o左街呀嘛... =3=

忌廉o既味道好淡, 你落煉奶又落得少, 靠就靠美祿d甜味o架咋喎, 但係你雪到舊o野鬼咁實, 想食d美祿粉都食唔到啦... 想攤凍o黎食喇, 但係個樣重更加核突, 一pet pet咁, 見到都溜... @~@
辯解: 咁人o地驚落得多煉奶會好甜呀嘛... =3=

呢d咪係練精學懶, 諗縮數, 唔依照並亂改食譜, 所惹o既禍囉~ 哈哈哈哈 (嘲笑聲) !

+++++++++++++++++++++++++++++++++++++++++++++++++++++++++++++++++++

=v=" 估唔到我入廚生涯o既第二頁先被劃花, 都算好o架喇~ 哈哈哈哈!!! 起碼無一開始就打沉我呀嘛~ 我諗我下次都係朝返熱食o既方向進發好d喇 @@", 哈哈哈~

Posted in: 偷得浮生半日閒 on 2008年5月12日星期一 at : 上午2:25 3 逸響    

其實呢, 我之前就已經好想o係高考完o左o個時就試下整下o野食o架喇! 不過一路都唔嗲唔吊, 又賴下阿心情大人咁啦, 哈哈哈哈哈, 卒之直至今日就忽然興起, 走去整曲奇喎! 呀哈哈哈哈哈!! 正確d o黎講係尋日先o岩, 因為係尋日諗住今日去動手寫下我自己一人入廚生涯o既第一頁 @v@ (唔計煮麵煮麥皮翻熱d o野食o個d o架喎), 呵呵呵~

於是就上網搵下食譜喇, 但求搵到d唔使要咩特別材料, 又唔使咩複雜步驟o個d, 求其撈埋晒一齊然之後拎去焗o個d啦, 哈哈哈哈! 咁呢我就搵到呢個, 但係我無麥芽又無葵花油喎, 不過我又醒起"立"過下有個咩花生醬曲奇食譜, 咁就不如搵花生醬o黎頂檔啦, 我雪櫃有呀嘛, 哈哈哈哈哈~~ (邊有人第一次整曲奇就咁沙塵學人改食譜o架... = =;)

-- 咪住先, 如果你睇到呢度, 係咪以為我屋企有齊晒d咩秤呀,焗爐呀咁呢? 其實我係無o既! 哈哈哈哈!! 我屋企淨係得個要o黎叮返熱d o野o既焗爐仔, 同量杯o架o者 ;p .

好喇, 終於落手去整喇. 咁於是乎我就是是但但咁用個量杯因下d份量啦, 跟住就按返個食譜教o既次序倒d材料落去個碗度攪勻, 然後就用匙羹but落去舖o左錫紙o既鐵兜仔度, 再擺入去個焗爐仔度焗喇.



個食譜話焗10-15分鐘, 我驚一下子咁扭去咁多分鐘o黎焗會燶鬼晒喎, 咁我就將佢3分鐘3分鐘咁o黎焗喇, 哈哈哈~ 焗o左大約10零分鐘, 佢都仍然係外脆內lum喎, 於是我又再焗多佢幾焗啦, 不過好驚好燶, 焗多兩次到就收手喇, 哈哈哈哈哈!! 如果下次再整, 我諗每塊應該整得薄d, 成塊就應該會脆得均勻d喇o卦 *3* !?


燈燈燈凳! 呢個就係我o既製成品喇! 哇哈哈哈哈! 個名堂就係-- "花生醬燕麥唔脆餅" ! 哈哈哈哈哈哈哈哈哈哈!!! 咦? 但係點解得4塊o既?

重使問!? 梗係被我擺晒落口啦 ;d ~~ 哈哈哈哈! 雖然入面唔係好脆, 個賣相又麻麻, 但係味道都ok o架喎! 都幾有成功感o架~
哇睇下, 幾燶!
呢塊又好似無咁燶咁o既? 梗係啦, 燈光問題, 加上呢塊係另外一塊o黎o架嘛, 呀哈哈哈哈哈哈!!! ;ppp~~

留返3塊畀屋企人食先! 好好醜醜話晒都係第一次自己一個整到o野食出o黎呀嘛 ^(++++)^ !
食家評語 - 陳肥肉: 好鹹/鹹o左d (總之大致上係話鹹啦)
　　　　 - 小芬: 我返到o黎食入面已經lum晒, 不過都有香味
　　　　 - 計我話: 以第一次整o黎講, 個味道真係唔錯o架喎! 鹹鹹o地, 甜甜o地, 又有d花生香味, ok o架! *v*b 加上選用o左燕麥片, 無落油 (雖然花生醬入面可能有), 幾健康o架喂! 同埋d份量亂咁撈都無食壞人, 算係咁啦下話? =v= 哈哈哈哈哈哈哈哈哈!!!

Posted in: 心潮澎湃, 偷得浮生半日閒 on 2008年5月9日星期五 at : 下午2:36 0 逸響    

　　死是甚麼一回事，我們真的不明白。死似乎是大家都害怕的事，不然大人就不會用死來嚇我們，他們就不會說：「打死你！」「餓死你！」「到時你知死！」
　　我怕死了再不能和我的爸爸媽媽在一起。
　　我怕死了，樣樣事沒有我的份兒。
　　我怕死了再沒有人記得我，就像我從來不曾來過這個世界。
　　我怕爸爸和媽媽會為我傷心，尤其是媽媽，我怕她承受不了。
　　我怕小狗不知我到哪裡去，會到處找我。
　　我怕埋在泥土裡的黑暗窒息，我怕被火焚燒時的痛楚，人們說死了便甚麼也不知道了，可是說這話的人自己沒有死過，他們又怎樣知道呢？
　　我怕死了變成魂魄，遊蕩在親人身邊，看到他們的哀傷，卻不能發出聲音。
　　我怕我仍然感到冷，感到餓，感到害怕，卻沒有人幫助我、保護我。
　　我怕人家會翻看我的日記，那上面有我寫下的秘密，不想任何人知道，即使在我死後。
　　我怕我死後，班上沒有一個男同學為我掉眼淚。
　　一位讀甚麼「哲學」的大哥哥說：「人類對死亡的恐懼是由於他們對死亡的無知。」
　　孔夫子說：「未知生，焉知死」
　　我怕的是人類對死亡知得愈多便會愈害怕呢！

節錄自阿濃、王建衡所著的《童眼看世界》之〈怕死十大理由〉

Posted in: 日有所思 on 2008年5月8日星期四 at : 下午2:30 0 逸響    

今日出發去考UE Oral o個時, 行到巴士站o個陣, 有個靚女眼大大咁望住我喎-- 原來係朱陳! 估唔到佢竟然記得我! *v*~ 真係幾開心!
我只係被佢教過中三o個年o架咋! 雖然我知佢應該唔記得我個名, 不過佢認得我係佢學生重嗌我喎~ 哈哈 ^^~

今晚成8點幾先走得呀 =3= ~ 因為我係最尾o個組o既最後一個考生, 哈哈! 成組得3個人咋~ 個題目重鬼咁死難! 但係我竟然講得比平時多o野o左喎!! @0@~~

Posted in: 心潮澎湃, 高考實錄 on 2008年4月30日星期三 at : 下午11:06 0 逸響    

闊別了麥當勞叔叔的開心樂園大概也有七年之久了, 這次就因為一個人, 讓我有機會再嚐這種簡單的歡樂滋味. 那到底是誰有如此大的魔力呢? 不就是我的愛人囉, 哈哈哈哈!



哇哇哇, 你看你看, 我愛人這六款不同的造型多吸引! 興奮興奮 >v< , 哈哈哈哈~


再來看看我這天所得的兩款寶物:






不是開玩笑, 這些小遊戲真的頗有趣, 頗好玩的, 哈哈!!


重臨開心樂園, 我在尋寶的途中看到了兒時的陳肥肉, 他正在嚷著要吃開心樂園漢堡包餐, 哈哈, 他最喜歡點那個小套餐的了. 呀, 不知這個會否就是, 他現時久不久也會在套餐以外加點一個漢堡包的原因呢 ;] ?
可惜的是, 旅途入面好像見不到小飛飛, 滑嘟嘟, 還有...... 我都記不起你們的名字了! 是你們忘了我還是我忘了你們呢?

唔, 是時候呼籲一下了 (雖然我知道沒甚麼人會看見, 哈哈;p): 拜會麥叔叔時, 記住點開心樂園餐, 然後將那份寶物轉贈給我呀~ 哈哈哈哈哈!

離開樂園後, 成年兒童搖身一變, 戴上一對精明眼, 向下個目的地進發-- 就是師奶兵團芸芸的超級市場! 哈哈哈!!
那些被刪了又刪的特價黃牌, 簡直令人興奮莫名 *0*~~ 它們是唯一能令我著迷的數字! 我想, 超值牌, 特惠牌, 佳之選, 首選牌, 快將成為我最喜愛的品牌了, 哈哈哈哈哈!!
超市, 又是一個叫人流連忘返的歡樂天地, 哈哈!


今天又多了一款啦 >v< ~~





如今只欠紫色那款!











一套六款全部儲齊啦!!! yeah \\ >v< // ~~~ 萬歲~~~

Posted in: 偷得浮生半日閒 on 2008年4月20日星期日 at : 下午11:03 0 逸響