再戰木糠布甸!
唔好意思, 我依然係咁鍾意練精學懶同好囂屎咁去改人食譜o既 XP, 哈哈哈哈哈哈!!
我見一包馬利餅咁多排, 整一次實用唔晒, 亦諗到除o左我之外都無乜人會咁神心食晒剩返落黎o個d佢o架喇, 於是就買o左另一種細包d o既餅仔o黎代替 =v=~ 哇哈哈哈哈哈~~
要整之前o個晚, 我發覺原來屋企支o即o即裝原味煉奶得返好少, 咁就諗住作戰之日落去樓下補充彈藥啦, 誰不知是日周遭之軍火庫竟然同時缺貨! 噢, 難道此處有數百士兵不約而同地挑戰此等布甸?! 呀哈哈哈哈!! 本大姐 (喂, 久違了的自稱 -v-) 見勢唯有立時改變主意, 選購別的裝備好了, 哈哈~
呢個咁特別o既盅係爸爸唔知幾時買返來用o黎舂佢d唔知咩調味料o既, 再下挑戰書之前我就覺得o岩晒喇 A_A, 正好畀我用o黎應付此布甸, 哈哈!
今次打忌廉打就打得起喇, 不過唔知係咪打得起過頭添 ;p, 哈哈~ (手忙腳亂呀, 又打到手都軟, 唔得閒影相呀, 哈哈)
好喇好喇, 係時候做好心理準備睇o下個布甸被我搞成咩樣喇, 賣相仍然係十分唔討好o架! 哈哈哈哈哈哈哈!
[呢d膠杯好似係之前暑假時同一大棚靚仔同事去燒o野食時用剩o既, 咁貪小便宜o既我見到d孤兒仔咁慘梗係o拿o拿聲帶佢o地返屋企啦 (佢o地重有同伴o架 =v=)! 哈哈哈哈!]
估唔到整到4杯咁多喎 @o@ !
喂幾好食喎又 XD ! 哈哈哈~~ 陳肥肉都係咁講o架, 唔係我賣花讚花香o架 =v=~~ 不過食完真係幾滯o下 =0=, 哈哈! 下次如果再整o既話呢, 我諗壓一壓每一層o既餅碎可能會好d, 唔使咁散修修呀嘛~ ;)
呀~ 話時話, 好似唔覺支朱古力味煉奶發揮o左佢o既威力o既 =~= ?? 哈哈哈哈!
文章
嘩~ 咩你鍾意隨便改食譜咁曳o架? :O
我絕對唔敢o架, 因為假如試整新食物, 第一次就失敗o既話, 我以後都唔會再整... haha... 但係當佢變成拿手小菜 / 小餅的時候, 我都可能會改少少... 不過無你咁膽大包天囉! hehe~
我都挑戰過呢個o架! 仲好成功o添~! :9 不過唔係一杯杯, 係一大個的, 大約兩磅的蛋糕! 你要食譜我可以找一找~
哈哈哈哈~~ 係呀, 我第一次整野食就已經好沙塵咁改人食譜架喇 =v= ! 好曳架我~
我而家都重係初學階段, 重未有咩拿手野, 改人食譜真係未學行先學走 ;p
我個朋友先岩岩整完呢款既蛋糕黎呀~ 佢屋企人都話覺得好食! 我就唔再挑戰住嚕, 梗係要試多d新野先再翻整架嘛 =v=, 哈哈哈哈~~